قىزىلوردا وبلىسىندا «ەكسپو-2017» حالىقارالىق كورمەسى اياسىندا ەتنواۋىل پايدا بولدى-فوتو

 دەپ حابارلادى قازاقپارات.

شاراعا وبلىس اكىمى قىرىمبەك كوشەربايەۆ، بايقوڭىر قالاسى اكىمشىلىگىنىڭ باسشىسى كونستانتين بۋسىگين جانە ءبىراقاتار مارتەبەلى مەيماندار قاتىسىپ، قورقىت اتا مەموريالدىق كەشەنىن جانە سۋرەتشىلەر كورمەسىن تاماشالادى. سونىمەن قاتار ەتنواۋىلدا جاعالاي تىگىلگەن كيىز ۇيلەردى ارالاپ، ونداعى قولونەر بۇيىمدارىن كورىپ، ءتۇرلى ۇلتتىق ويىندار مەن جىرشى- تەرمەشىلەردىڭ ونەرلەرىن تاماشالادى.

«مەملەكەت باسشىسى «ەكسپو-2017» كورمەسى اياسىندا استانا ماڭىندا ەتنواۋىل مەن ەكواۋىلدان تۇراتىن بەلدەۋ قۇرۋدى ۇسىنعان بولاتىن. وسى ماقسات اياسىندا ءبىز دە نازارلارىڭىزعا ۇلتتىق سالت- ءداستۇرىمىزدىڭ ومىرشەڭ ۇلگىسىن ۇسىنىپ وتىرمىز. مىنە، بۇگىن كەمەڭگەر بابامىز قورقىت اتانىڭ باسىندا وسىنداي ەتنواۋىلدىڭ اشىلۋى جانە الداعى ۋاقىتتا ونىڭ جۇمىسىمەن كوپتەگەن شەتەلدىك تۋريستەردىڭ تانىسۋى سىر ەلىنىڭ مارتەبەسىن بيىكتەتەرى ءسوزسىز. بۇگىنگى قۋانىش - تاۋەلسىزدىكتىڭ، ەلباسىنىڭ ەرەن ەڭبەگىنىڭ جەمىسى. بۇگىنگى مەرەكە - قورقىت باباداي ابىزدىڭ اسىل ارمانىنىڭ اقيقاتقا اينالعانىنىڭ بەلگىسى»، - دەدى ايماق باسشىسى كوشەربايەۆ.

سىر ەلىنەن 75 مىڭعا جۋىق ادام حالىقارالىق «ەكسپو-2017» كورمەسىن تاماشالاۋ ماقساتىندا ەل ورداسى استاناعا بارۋدى جوسپارلاۋدا. وبلىس بويىنشا 250 ارداگەرگە، 2900 الەۋمەتتىك از قامتىلعان وتباسىلاردىڭ بالالارىنا تەگىن جولداما بەرىلدى. سونداي- اق، وبلىس اكىمىنىڭ قابىلداۋىندا بولعان حالىقارالىق، رەسپۋبليكالىق پاندىك وليمپيادا جانە عىلىمي جوبا كونكۋرستارىنىڭ 48 جاس جەڭىمپازدارىنا كورمە بيلەتتەرى سىيعا تارتىلدى.

ەستەرىڭىزگە سالا كەتەيىك، «قورقىت اتا» مەموريالدى كەشەنى مەن «بايقوڭىر» عارىش كەشەنى حالىقارالىق كورمەنىڭ تۋريستىك باعىتىنا ەنگەن.

اۆتور: ەلۋباي اۋەزوۆ