توقايەۆ: ە ق ى ۇ- نىڭ باسىمدىقتارى «ەكسپو-2017» تاقىرىبىمەن ۇندەس
توقايەۆ اڭگىمە بارىسىندا بالاما ەنەرگەتيكا سالاسىنداعى جاڭا جوبالار كورسەتىلەتىن جاھاندىق الاڭعا اينالعان «ەكسپو-2017» حالىقارالىق كورمەسىنە ە ق ى ۇ- نىڭ بەلسەندى قاتىسۋىن ريزاشىلىقپەن اتاپ ءوتتى. «ەكونوميكا- ەكولوگيالىق ولشەم تۇرعىسىنداعى ە ق ى ۇ- نىڭ اۋقىمدى تاجىريبەسىن، ءبىلىمى مەن اتقارعان ىستەرىن ەسكەرە وتىرىپ، ۇيىم الەم قاۋىمداستىعىمەن پايدالى اقپاراتپەن بولىسەدى دەپ سەنەمىن» ، - دەدى جوعارعى پالاتانىڭ باسشىسى.
توقايەۆ ە ق ى ۇ- عا اۆستريانىڭ ءتوراعالىق ەتۋىنە قولداۋ بىلدىرە وتىرىپ، ەكسپو- نىڭ «بولاشاقتىڭ ەنەرگياسى» تاقىرىبى ەكونوميكا- ەكولوگيالىق ولشەم سالاسىنداعى ەقىۇ- نىڭ ۆەنا جاريا ەتكەن باسىمدىقتارىمەن ۇيلەسەتىنىن اتاپ ءوتتى. ءتوراعا اۆستريا ءتوراعالىق ەتكەن كەزدەگى ە ق ى ۇ- نىڭ ەكونوميكا- ەكولوگيا كوميتەتىنىڭ باسشىلىعىنا قازاقستاندى تاعايىنداۋ تۋرالى شەشىمىن جوعارى باعالادى. وسىعان بايلانىستى «ەكسپو-2017» اياسىندا 15-16 ماۋسىمدا وتەتىن 25- ەكونوميكا- ەكولوگيا فورۋمىنا ازىرلىكتىڭ ەكىنشى كەزدەسۋىنىڭ ماڭىزدىلىعى اتاپ ءوتىلدى. تاراپتار ايماقتىق قاۋىپسىزدىكتى نىعايتۋ، تەرروريزم مەن ەكسترەميزمگە قارسى ءىس- قيمىل ماسەلەلەرى بويىنشا پىكىر الماستى. ە ق ى ۇ- نىڭ قازىرگى كۇن ءتارتىبى تۋرالى ايتا كەلىپ، سەنات ءتوراعاسى پارلامەنتتىك قوعامداستىق تاراپىنىڭ ديپلوماتيالىق كۇش- جىگەرىنىڭ ماڭىزدىلىعىنا توقتالدى.
«پارلامەنتتىك ديپلوماتيا مەملەكەتارالىق قاتىناستاردا ءتيىمدى قۇرال بولىپ تابىلادى جانە ول ە ق ى ۇ ايماعىندا نىق سەنىمدى قالپىنا كەلتىرۋدە تابىستارعا قول جەتكىزۋ ءۇشىن پايدالانۋى ءتيىس» ، - دەدى توقايەۆ. جۇزدەسۋشىلەر قازاقستان مەن اۆستريانىڭ پارلامەنتارالىق ديالوگىن دامىتۋ ماسەلەلەرىنە باسا نازار اۋداردى. ك. مۋتتونەن اۋستريانىڭ ە ق ى ۇ- نا ءتوراعالىق ەتۋىنە قولداۋ بىلدىرگەنى ءۇشىن، ۇيىم قىزمەتىنىڭ نەگىزگى ماسەلەلەرى بويىنشا جانە پارلامەنتتىك اسسامبلەياداعى قازاقستاننىڭ بەلسەندى قىزمەتىنە وراي توقايەۆقا ريزاشىلىعىن ايتتى.
