ەكسپو-2017: الەمگە ايگىلى عالىمداردىڭ گولوگرافيالىق بەينەسى ءدارىس وقيدى
ول جەردە الەمگە ايگىلى عالىمداردىڭ دارىستەرىن ۇيىمداستىرۋ جوسپارلانىپ وتىر، دەپ حابارلايدى قازاقپارات ءتىلشىسى.
اتالعان اۋديتوريا ءتورتىنشى قاباتتا ورنالاسقان جانە تولىعىمەن بيوماسسا ەنەرگەتيكاسىنا ارنالىپ وتىر.
«بۇل اۋديتوريادا دۇنيەجۇزىنە بەلگىلى بيوتەحنولوگيا مەن بيولوگيا سالاسىنىڭ پروفەسسورلارى گولوگرافيالىق كەيىپتە، بيوماسسادان ەنەرگيانى الۋ ماسەلەلەرىنە ارنالعان دارىستەردى وقيدى. ول دارىستەر قازىرگى جاڭا تەحنولوگيالار - مەديا-گولوگرافيالىق پروەكتسيا ارقىلى جۇرگىزىلەدى. وندايدا عالىمدار ءۇشىن اۋديتوريانىڭ الدىنا كەلۋدىڭ قاجەتى جوق. ءبارى گالوگرافيالىق بەينەنى سويلەتۋ ناتيجەسىندە ىسكە اسادى. دەگەنمەن، كەيبىر دارىستەردى تىكەلەي بايلانىس ارقىلى ۇيىمداستىرۋ جوسپاردا بار»، - دەيدى گيد-ستەنديست ءاشىر جانعالي.
ونىڭ ايتۋىنشا، گولوگرافيالىق اۋديتوريانى تەحنيكالىق جابدىقتاۋ جۇمىسىنا نەمىستىڭ كومپانياسىنا جاۋاپتى. زالدا امفيتەاتر ىسپەتتەس ورىندىقتار مەن تومەندە ورنالاسقان ءبىر مىنبەر بار. مىنبەرگە ەكى ميكروفون ورناتىلعان. ءبىراق سويلەيتىن ادامنىڭ ورنىنا شىنى بەكىتىپ قويدى. سول ارقىلى الەمگە ايگىلى عالىمداردىڭ گولوگرافيالىق بەينەسىن شىعارۋ جوسپارلانعان. اۆتور: ارمان اسقاروۆ
