ەكسپو-2017: حالىق قاي پاۆيلوندارعا كوپ بارىپ ءجۇر؟
كورمەگە كەلىپ جاتقان ادامداردىڭ باسىم بولىگى الدىمەن شار-سفەردا ورنالاسقان قازاقستان پاۆيلونىن كورۋگە اسىعادى. سەبەبى ول جەردە بالامالى ەنەرگەتيكا سالاسىنداعى وزىق تاجىريبە عانا ەمەس، ۇزدىك تەحنولوگيالار دا بار.
ودان كەيىن حالىق وڭتۇستىك كورەيا مەن قىتايدىڭ پاۆيلوندارىمەن تانىسىپ شىعۋعا تىرىسادى. سەبەبى كەشكى ۋاقىتقا قاراماستان، اتالعان ەكى پاۆيلوندا ادامداردىڭ ۇزىن-سونار كەزەگى ءالى دە بار.
اسىرەسە، وڭتۇستىك كورەيانىڭ جەتىستىكتەرىن كورگىسى كەلەتىن حالىقتىڭ قاراسى كوپ. سونداي-اق گەرمانيا مەن موناكودا ەلىنىڭ پاۆيلوندارىندا ادام كەزەگى بايقالادى. ايتا كەتەيىك، بۇگىن قازاقپارات تىلشىلەرى قازاقستان پاۆيلونىن ءۇش ساعات بويى ارالادى. سونداي-اق، ماجارستان، رەسەي، تۇرىكمەنستان، تۇركيا، اۆستريا، ا ق ش جانە تاعى باسقا ەلدەرلىڭ پاۆيلوندارىندا بولدى. جالپى، ەكسپو كورمەسىمەن تولىق تانىسىپ شىعۋ ءۇشىن كەمىندە 4 تاۋلىك ۋاقىت كەرەك.
