ەكسپو-2017: ب ۇ ۇ بالالاردى عىلىمعا باۋليتىن جوبانى تانىستىردى
«قازاقستان ەنەرگيا باعىتىندا ەكسپو- نى وتكىزۋ ارقىلى پاريج كەلىسىمىن العا جىلجىتۋدا بىرەگەي مۇمكىندىكتى تۋدىرىپ وتىر. الەمدەگى ەنەرگەتيكا جاعدايىن جانە قورشاعان ورتانى قورعاۋ باعىتىنداعى قادامداردىڭ ماڭىزدىلىعىن ەسكەرە وتىرىپ، ەندى جاڭا جوبالاردى تەز ارادا تاجىريبە جۇزىندە ىسكە قوسۋعا ايرىقشا ءمان بەرەمىز»، - دەيدى ب ۇ ۇ- نىڭ ەكسپو- داعى باس كوميسسارى دجيحان سۇلتانوگلى.
ونىڭ سوزىنە قاراعاندا، بۇگىندە قازاقستان ەنەرگيا تيىمدىلىكتى ىسكە اسىرۋ باعىتىندا الدىڭعى قاتارلى شەشىمدەردى ەنگىزۋدە. بۇل رەتتە «جاسىل ەكونوميكاعا» ەرەكشە نازار اۋدارىپ وتىرعانىن ەلىمىزگە ب ۇ ۇ تاراپى جوعارى باعا بەرۋدە.
«وسى شارانىڭ اياسىندا قازاقستان عىلىمي قوعامداستىق پەن ساراپشىلاردى تارتۋ ءۇشىن وزىندىك تۇعىرنامانى قۇرىپ وتىر. ەندىگى كەزەكتى عىلىمي ورتا تاجىريبەسى مەن جوبالارىن بارشا الەمگە پاش ەتۋى ءتيىس»، - دەپ توقتالدى باس كوميسسار.
سونىمەن قاتار ول قازاقستان مەن ب ۇ ۇ ۇزاق مەرزىمدى سەرىكتەستەر بولىپ تابىلاتىنىن ايتا كەلە، «قازاقستان تاجىريبە الماسۋ ارقىلى دامۋشى ەلدەرگە كومەك كورسەتىپ جاتقانىن بىلەمىز. اتاپ ايتقاندا، وسى كورمەنى وتكىزۋدە سىزدەرگە ساتتىلىك تىلەيمىن. ەكسپو- عا كەلۋشىلەر جاقسى اسەر الاتىنىنا سەنىمدىمىن. ويتكەنى بولاشاق ەنەرگياسى الداعى ۇرپاق ءۇشىن وتە ماڭىزدى جانە وسىندا جاستاردىڭ كوپتەپ جينالۋى ءبىزدى قۋانتىپ وتىر. ءبىزدىڭ كورمەدە ۇسىنىپ وتىرعان ەكسپوناتتارعا توقتالاتىن بولسام، وسىندا كينەتيكالىق قۇمدى كورۋگە بولادى. بۇل جوبانىڭ مۇمكىندىگى ارقىلى بالالار قۇمدا ويناۋ كەزىندە جاستايىنان عىلىمعا باۋليدى. سونىمەن قاتار بىزدە شولەيتتى القاپتار ءۇشىن سۋارمالى ەگىستەردى قۇرۋدىڭ جولدارىمەن تانىسا الاسىزدار»، - دەدى دجيحان سۇلتانوگلى.
ءوز كەزەگىندە«استانا ەكسپو-2017» ۇ ك» ا ق كەڭسەسىندە كومپانيانىڭ باسقارما ءتوراعاسى احمەتجان ەسىموۆ بۇگىن پاۆيلونىن رەسمي اشقان ب ۇ ۇ وكىلدەرىنە العىسىن جەتكىزدى.
«بۇل پاۆيلوننىڭ اشىلۋى ءۇشىن اۋقىمدى جۇمىستاردى ىسكە اسىردىڭىزدار. ب ۇ ۇ- نىڭ مەكەمەلەرى ءبىزدىڭ كورمەگە بەلسەندى قاتىسىپ وتىر جانە ءبىز ءۇشىن ول ۇلكەن مارتەبە مەن قۇرمەت. سونىمەن قاتار تاقىرىپقا بايلانىستى سىزدەردىڭ تاراپتارىڭىزدان ۇلكەن جۇمىستار اتقارىلدى. سوندىقتان سىزدەرگە ۇلكەن العىسىمدى جەتكىزەمىز»، - دەدى ەسىموۆ.
پاۆيلون وكىلدەرىنىڭ ايتۋىنشا، ب ۇ ۇ جۇيەسىندەگى ءبىرقاتار ۇيىمدار جاڭاراتىن ەنەرگەتيكا جانە ەنەرگيا تيىمدىلىگى سالاسىندا ماڭىزدى جاڭاشىلدىقتارعا قول جەتكىزۋ ءۇشىن ينۆەستيتسيالاردى شوعىرلاندىرۋ تۇرعىسىندا وزدەرىنىڭ زەرتتەۋ ناتيجەلەرىن كوپشىلىككە تانىستىرادى.
اۆتور: رۋسلان عابباسوۆ
