16:37, 02 - ماۋسىم 2017 | GMT +6
شىڭ لۇڭ ەكسپو-2017-گە قاتىسۋ ءۇشىن استاناعا كەلەدى
استانا. قازاقپارات - الەمدىك كينو جۇلدىزى جەكي چان استانا قالاسىنا ەكسپو-2017 كورمەسىنە قاتىسۋ ءۇشىن كەلەدى، دەپ حابارلايدى bnews.kz سايتى ecns.cn اقپارات كوزىنە سىلتەمە جاساپ.
2017 -جىلدىڭ 7-18 - ماۋسىمىندا استانادا قازاقستانداعى قىتاي فيلمدەرىنىڭ كورمەسى وتەدى. كورمە ەكسپو-2017 اياسىندا ۇيىمداستىرىلادى. «قىتاي فيلمى توبى» كورپوراتسياسىنىڭ پرەزيدەنتى جياۋ حۋنفەننىڭ ايتۋىنشا، كورمەنىڭ ماقساتى زاماناۋي قىتايدىڭ مادەنيەتىن قازاقستاندا تانىستىرۋ بولىپ تابىلادى. كورمە اياسىندا قىتايدا تانىمال بولعان التى تولىقمەتراجدى فيلم ەكراننان كورسەتىلەدى.
بۇل شاراعا الەمگە تانىمال اتاقتى اكتەر، بەدەلدى «وسكار» سىيلىعىنىڭ يەگەرى جەكي چان كەلەدى دەپ كۇتىلۋدە. ەستەرىڭىزگە سالا كەتەيىك، دجەكي چان قازاق ءانشىسى ديماش قۇدايبەرگەندى قىتايداعى «مەن ءانشىمىن» بايقاۋىندا قولداعان بولاتىن. ءوز كەزەگىندە ديماش قۇدايبەرگەن دجەكي چاندى «ۇلكەن اعام» دەپ جازعان ەدى.
