ەكسپو -2017 كورمەسىندە اۋەزوۆ تەاترى راقىمجان وتاربايەۆتىڭ تاريحي دراماسىن ساحنالايدى
دەپ حابارلايدى قازاقپارات ءتىلشىسى تەاتردىڭ باسپا ءسوز قىزمەتىنە سىلتەمە جاساي وتىرىپ.
«ەلىمىزدە وتەتىن دۇنيەجۇزىلىك كورمە اياسىندا اۋەزوۆ تەاترى استانا وپەرا جانە بالەت، استانا جاستار تەاترىنىڭ ساحناسىندا 18-26 - ماۋسىم ارالىعىندا قويىلىمدارىن «ەكسپو-2017» قوناقتارىنا ۇسىناتىن بولادى.
اتاپ ايتساق، ع. مۇسىرەپوۆتىڭ «ماحاببات داستانى» تراگەدياسى (رەج. ق. سۇگىربەكوۆ)، «قىز جىبەك» ميۋزيكلى (رەج. ە. نۇرسۇلتان)، م. اۋەزوۆتىڭ «اباي» تراگەدياسى (رەج. ە. وبايەۆ)، ر. وتاربايەۆتىڭ «سۇلتان بەيبارىس» تاريحي دراماسى (رەج. يۋ. حانينگو- بەكنازار)، م. وماروۆانىڭ «كومبە ناننىڭ ءدامى» دراماسى (رەج. ا. كاكىشيەۆا)، ع. ەسىمنىڭ «تاڭسۇلۋ» دراماسى (رەج. ا. كاكىشيەۆا)، يران- عايىپتىڭ «قورقىتتىڭ كورى» اڭىز- داستانى (رەج. ي. ۆايتكۋس) كورەرمەنگە جول تارتپاق»، دەلىنگەن حابارلامادا.
تەاتردىڭ باسپا ءسوز قىزمەتىنىڭ حابارلاۋىنشا، اتالعان سپەكتاكلدەر حالىقتىڭ زور قوشەمەتىنە بولەنگەن شىعارمالار.
اۆتور: الماس مۇقاش ۇلى
