نۇرگۇل اسانوۆا «قازاق ارۋى-2017» جەڭىمپازى اتاندى-فوتو
شەشۋشى سىندا جەڭىس باتىس قازاقستان وبلىسىنىڭ وكىلى نۇرگۇل اسانوۆاعا بۇيىردى. ءبىرىنشى ورىنعا قىزىلوردالىق زۋحرا سايپي يەلىك ەتسە، اقتوبەلىك گۇلجانات جۇماجانوۆا ەكىنشى ورىننان كورىندى. ۇزدىك ۇشتىكتى قاراعاندىلىق ايگەرىم ورىنبەكوۆا تۇيىندەدى.
«قازاق ارۋى» سۇلۋلىق بايقاۋى استاناداعى بەيبىتشىلىك جانە كەلىسىم سارايىندا ءوتتى. بيىلعى سايىسقا ەلىمىزدىڭ ءار ايماعىنان ىرىكتەلگەن 16 ارۋ قاتىسىپ، باقتارىن سىنادى. جىل سايىن ناۋرىز مەرەكەسى قارساڭىندا ۇيىمداستىرىلاتىن «قازاق ارۋى» بايقاۋى بىرنەشە كەزەڭنەن تۇرادى.
«بيىل العاش رەت «قازاق ارۋى» بايقاۋىنا ۆيكتوريا پەتروۆا ەسىمدى ارۋ قاتىساتىنى جاريا ەتىلدى. ونى بايقاۋدىڭ ۇيىمداستىرۋشىسى بايان ماقسات قىزى ءوزىنىڭ ينستاگرامداعى پاراقشاسىندا حابارلادى.
بايقاۋعا قاتىساتىن ارۋلارعا قويىلاتىن تالاپتار - قازاق ءتىلىن جەتىك مەڭگەرۋ، سۇلۋ، اقىلدى جانە تالانتتى بولۋ، بويى 170 س م- دەن جوعارى، سالماعى - 53 كەلىدەن ارتىق بولماۋ كەرەك. سونداي- اق وندا 16-22 جاس ارالىعىنداعى قىزدار باق سىنايدى.
سۇلۋلىق بايقاۋى وسىمەن جەتىنشى رەت ءوتىپ وتىر. ونىڭ ۇشەۋى استانادا وتكىزىلگەن.
ەسكە سالا كەتەيىك، «قازاق ارۋى-2016» بايقاۋىنىڭ جەڭىمپازى اتىراۋلىق الميرا احاتوۆا بولعان ەدى.
