ەسەپ كوميتەتى «استانا ەكسپو-2017» ۇلتتىق كومپانياسىن تەكسەرەدى
بۇل تۋرالى سەناتتاعى «تەڭدەستىرىلگەن جانە اشىق بيۋدجەت - ەلدىڭ تابىستى جانە ورنىقتى الەۋمەتتىك-ەكونوميكالىق دامۋىنىڭ كەپىلى» اتتى پارلامەنتتىك تىڭداۋدا رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىنىڭ مۇشەسى ايگۇل مۇحامەتكارىم ءمالىم ەتتى، دەپ حابارلايدى قازاقپارات.
«استانا ەكسپو-2017» ۇلتتىق كومپانياسىندا جانە باسقا كومپانيالاردا مەملەكەتتىك اۋديت جوسپارلانعان»، - دەدى ا. مۇحامەتكارىم.
ونىڭ سوزىنە قاراعاندا، اعىمداعى جىلى «نۇرلى جول» مەملەكەتتىك باعدارلاماسىن جۇزەگە اسىرۋ بارىسىنا ارالىق باعالاۋ جۇرگىزىلەدى. سونىمەن قاتار وسى شارالارمەن ورتالىق مەملەكەتتىك ورگانداردىڭ ستراتەگيالىق جوسپارلارى دا قامتىلادى.
پارلامەنتتىك تىڭداۋ بارىسىندا ءسوز سويلەگەن سەنات ءتوراعاسى قاسىم-جومارت توقايەۆ بيۋدجەتتىك قارجىنىڭ ىسىراپ ەتۋگە جول بەرىلمەۋى ءتيىس ەكەنىن قاداپ ايتتى.
«باستى ەكپىن بيۋدجەت شىعىستارىنىڭ تيىمدىلىگىن ارتتىرۋعا نەگىزدەلۋى ءتيىس. بيۋدجەت شىعىستارىنا قاتىستى قادام تىڭعىلىقتى پىسىقتالىپ، قارجى ەڭ قاجەتتى سالالارعا باعىتتالۋى كەرەك. شەكتەن تىس ىسىراپقا جول بەرىلمەۋى قاجەت»، - دەپ توقتالدى ق. توقايەۆ.
اۆتور: رۋسلان عابباسوۆ
