11:45, 26 - اقپان 2017 | GMT +5
ازيادا-2017: حوككەيشىلەرىمىز قازاقستان قورجىنىنا توعىزىنشى التىن مەدالدى سالدى
بساپپورو. قازاقپارات - بۇگىن جاپونيانىڭ ساپپورو قالاسىندا ءوتىپ جاتقان Ⅷ قىسقى ازيا ويىندارىندا حوككەيدەن قازاقستان ەرلەر قۇراماسى فينالدا جاپونيامەن سىنعا ءتۇسىپ باس جۇلدەنى جەڭىپ الدى، دەپ حابارلايدى ساپپوروداعى قازاقپارات ءتىلشىسى.
«سۋكيسامۋ گيمنازيۋم» مۇز ايدىنىندا وتكەن فينالدىق كەزدەسۋ اسا تارتىستى ءوتتى. شارشى الاڭ قوجايىندارى قانشا جەردەن العا ۇمتىلعانىمەن جەرلەستەرىمىزدىڭ قاقپاسىنان بىردە-ءبىر ساڭىلاۋ تابۋعا مۇمكىندىگى بولعان جوق. وسىلايشا جەرلەستەرىمىز قارسىلاستارىنىڭ قاقپاسىنا جاۋاپسىز 7 شايبا توعىتىپ، قازاقستان قورجىنىنا توعىزىنشى التىن مەدالدى سالدى.
ەستەرىڭىزدە بولسا، وسىدان التى جىل ءبۇرىن الماتى جانە استانا قالالارىندا وتكەن VII قىسقى ازيادا ويىندارىندا قازاقستان حوككەيشىلەرى چەمپيون اتانعان بولاتىن. بۇگىن دە باس جۇلدەنى جەڭىپ الىپ، ازيادا ەلدەرى اراسىندا تەڭدەسسىز مىقتى ەكەندىكتەرىن تاعى ءبىر مارتە دالەلدەدى. سونىمەن بىرگە كەشە كەشە حوككەيشى قىزدارىمىز تايلاند قۇراماسىن 8:0 ەسەبىمەن ويسىراتا جەڭىپ قولا جۇلدەنى جەڭىپ الدى.
اۆتور: كۇنسۇلتان وتارباي
