09:06, 23 - اقپان 2017 | GMT +5
ازيادا-2017: ەلەنا كولومينا ءۇشىنشى جۇلدەسىنەن كەيىنگى اسەرىمەن ءبولىستى - فوتو
ساپپورو. قازاقپارات - بۇگىن جاپونيانىڭ ساپپورو قالاسىندا ءوتىپ جاتقان Ⅷ قىسقى ازيا ويىندارىندا شاڭعىشى ەلەنا كولومينا ءۇشىنشى جۇلدەسىنەن كەيىنگى اسەرىمەن ءبولىستى، دەپ حابارلايدى ساپپوروداعى قازاقپارات ءتىلشىسى.
«مىنە، بۇگىن تاعى ءبىر مەدالعا قول جەتكىزدىم. بۇل - مەنىڭ ەل قورجىنىنا سالعان ءۇشىنشى جۇلدەم. مەندە وسىعان دەيىن ءبىر قولا، ءبىر كۇمىس العانمىن، الايدا ماعان كەرەگى نەگىزى التىن ەدى. الايدا، ءبىرىنشى ورىن العان جاپوندىق ارىپتەسىمنەن ءسال عانا قالىپ قويدىم. الدا ءالى دە جارىستار بار. التىن الۋعا تىرىسامىن. ءالى دە قازاق ەلىنىڭ تۋىن كوتەرۋ ءۇشىن بارىمدى سالامىن»، - دەپ اتاپ ءوتتى ەلەنا كولومينا.
ەستەرىڭىزگە سالا كەتەيىك، بۇل سايىستا ءبىرىنشى ورىندى جاپونيا سپورتشىسى، ەكىنشى ورىندى قازاقستان، ءۇشىنشى ورىندى قىتاي سپورتشىسى جەڭىپ الدى.
فوتو اۆتورى: ءىزتۇرعان الداۋيەۆ
اۆتور: كۇنسۇلتان وتارباي
