08:34, 23 - اقپان 2017 | GMT +5
ازيادا-2017: قازاقستاندىق شاڭعىشى ساپپوروداعى ءۇشىنشى جۇلدەسىنە قول جەتكىزدى
ساپپورو. قازاقپارات - بۇگىن جاپونيانىڭ ساپپورو قالاسىندا ءوتىپ جاتقان Ⅷ قىسقى ازيا ويىندارىندا شاڭعىشى ەلەنا كولومينا ءۇشىنشى جۇلدەسىنە قول جەتكىزدى، دەپ حابارلايدى ساپپوروداعى قازاقپارات ءتىلشىسى.
ول بۇگىن 5 شاقىرىمدىق كلاسسيكالىق جارىستان مارە سىزىعىن ەكىنشى بولىپ كەسىپ، قازاقستان قورجىنىنا ءۇشىنشى كۇمىستى سىيلادى.
ايتا كەتەيىك، بۇل - كولومينانىڭ ساپپوروداعى جەڭىپ العان ءۇشىنشى جۇلدەسى. سپورتشىمىز وسىعان دەيىن، شاڭعى جارىسىنان كلاسسيكالىق جۇرىسپەن جەكە سپرينت (1,4 شاقىرىم) جارىسىندا تاعى دا كۇمىس مەدال جەڭىپ السا، ودان كەيىن، 10 شاقىرىمدىق ەركىن جۇگىرىستەن قولا مەدالدى يەلەندى. قازىر قازاقستان 2 التىن، 3 كۇمىس جانە 4 قولا مەدالمەن جيىنى 8 جۇلدەمەن جالپى ەسەپتە ءتورتىنشى ورىندا كەلەدى.
اۆتور: كۇنسۇلتان وتارباي
