ازيادا-2017: قازاقستان قورجىنى تاعى ءبىر كۇمىس مەدالمەن تولىقتى

ساپپورو. قازاقپارات - بۇگىن ساپپورو قالاسىندا ءوتىپ جاتقان Ⅷ قىسقى ازيا ويىندارىندا قازاقستان قۇراماسىنىڭ وكىلدەرى ءتورتىنشى مەدالدى جەڭىپ الدى، دەپ حابارلايدى ساپپوروداعى قازاقپارات ءتىلشىسى.

كونكي جارىسىنان 1000 مەتر قاشىقتىقتا جەرلەسىمىز دەنيس كۋزين مارە سىزىعىن ەكىنشى بولىپ كەسىپ، قازاقستان قورجىنىنا ەكىنشى كۇمىس جۇلدەنى سالدى. بۇل سايىستا جاپون سپورتشىسى تاكۋرو ودا چەمپيون اتاندى. ال ءۇشىنشى ورىنعا كۇنشىعىس ەلىنىڭ تاعى ءبىر سپورتشىسى شۋنسۋكە ناكامۋرا تابان تىرەدى. دەنيس كۋزينننىڭ جۇلدەسى بۇگىنگى قازاق سپورتشىلارىنىڭ جەڭىپ العان ءۇشىنشى جۇلدەسى. وسىعان دەيىن جارىستىڭ ەكىنشى كۇنى شاڭعىشى ارۋىمىز ەلەنا كولومينا كۇمىس ەنشىلەسە، بۇگىن ءبىر قولانى جەڭىپ الدى. ال ودان كەيىن ەرلەر اراسىندا تاعى ءبىر شاڭعىشىمىز رينات مۋحين 15 شاقىرىمدىق جارىستى 41 مينۋت 25,3 سەكۋند ناتيجەسىمەن چەمپيون اتانعان بولاتىن. قازىر قازاقستان قۇراماسى 1 التىن، 2 كۇمىس، 1 قولا مەدالمەن ءتورتىنشى ورىندا كەلە جاتىر.

اۆتور: كۇنسۇلتان وتارباي