گەرمانيانىڭ 2017 -جىلعى ەڭ سۇلۋ قىزى انىقتالدى

استانا. قازاقپارات - گ ف ر- دەگى لەيپتسيگ قالاسىنىڭ 18 جاسار مەكتەپ وقۋشىسى «گەرمانيا ارۋى» كونكۋرسىنىڭ جەڭىمپازى اتاندى. كونكۋرس فينالىنا 21 ۇمىتكەر قاتىستى.

 ال بيىل اتالمىش كونكۋرستىڭ 90 جىلدىعى اتالىپ ءوتىلدى.

لەيپتسيگ قالاسىنىڭ 18 جاسار مەكتەپ وقۋشىسى زورايا كولمان «گەرمانيا ارۋى - 2017» تيتۋلىن جەڭىپ الدى. بادەن- ۆيۋرتەمبەرگ فەدەراتيۆتى ولكەسىنىڭ رۋست قالاسىنداعى Europa-Park ويىن- ساۋىق ساياباعىندا وتكەن كونكۋرستىڭ ناتيجەسى 19 - اقپان، جەكسەنبى كۇنى تۇندە بەلگىلى بولدى.

بارلىق قاتىسۋشى قىزدار ساحناعا كەشكى كويلەكتەرمەن، سونداي- اق شومىلۋ كوستيۋمىمەن شىقتى. گەرمانيانىڭ تۇكپىر- تۇكپىرىنەن كەلگەن مىڭداعان قاتىسۋشىلار فينالعا ىلىگۋ ءۇشىن بىرنەشە ىرىكتەۋ كەزەڭدەرىنەن ءوتتى. فينالدىق شوۋدىڭ ازىرلىگى ارنايى جاتتىعۋ لاگەرىندە ءوتتى.

 بيىلعى جىلى «گەرمانيا ارۋى» (Miss Germany) كونكۋرسى ءوزىنىڭ 90 جىلدىعىن تويلادى. بۇل سايىس ەڭ العاش رەت 1927 - جىلى وتكەن ەدى.