ازيادا-2017: بۇگىن اق ازيادا ويىندارىنىڭ سالتاناتتى اشىلۋ ءراسىمى وتەدى
سالتاناتى شارا بۇگىن جەرگىلىكتى ۋاقىتپەن 16:00 دە باستالادى. سپورتشىلار شەرۋىندە ەلىمىزدىڭ جالاۋىن شاڭعى جارىسىنان بەس دۇركىن قازاقستان چەمپيونى ەردوس احماديەۆ ۇستاپ شىعادى.
ەستەرىڭىزگە سالا كەتەيىك، VIII قىسقى ازيادا ويىندارى جاپونيانىڭ ساپپورو قالاسىندا 19-26 - اقپان ارالىعىندا وتەدى. جالپى جارىستا 31 ەلدىڭ سپورتشىلارى 11 سپورت تۇرىنەن 64 مەدال جيىنتىعىن ساراپقا سالادى.
بۇل ءباسى بيىك دوداعا ەلىمىزدىڭ نامىسىن قورعاۋعا 153 سپورتشى كەلدى.
ەستەرىڭىزگە سالا كەتەيىك، كەشە العاشقى ىرىكتەۋ سىندارى باستالعان بولاتىن. وندا حوككەيدەن قازاقستاننىڭ ايەلدەر قۇراماسى جەرگىلىكتى سپورتشىلارمەن باق سىناسىپ، وكىنىشكە قاراي، قارسىلاستارىنا 0:5 ەسەبىمەن ۇتىلىپ قالدى. ال ەرتەڭ، ياعني 20 - اقپان كۇنى ءبىزدىڭ حوككەيشى ارۋلارىمىز قىتاي قۇراماسىمەن وينايدى.
اۆتور: كۇنسۇلتان وتارباي
