ازيادا-2017: ساپپورودا قازاقستان تۋى كوتەرىلدى

استانا. قازاقپارات - بۇگىن جاپونيانىڭ ساپپورو قالاسىندا  Ⅷ قىسقى ازيا ويىندارى اياسىندا اتلەتيكالىق قالاشىقتا قازاقستان رەسپۋبليكاسىنىڭ تۋى كوتەرىلدى، دەپ حابارلايدى «قازاقپارات» ءتىلشىسى.

ازيادا ويىندارىنىڭ اشىلۋ سالتاناتى 19- اقپان كۇنى باستالادى. سپورتشىلار شەرۋىندە ەلىمىزدىڭ جالاۋىن شاڭعى جارىسىنان بەس دۇركىن ەل چەمپيونى ەردوس احماديەۆ ۇستاپ شىعادى.

 ەستەرىڭىزگە سالا كەتەيىك، VIII قىسقى ازيادا ويىندارى جاپونيانىڭ ساپپورو قالاسىندا 19-26 - اقپان ارالىعىندا وتەدى. وعان 31 ەلدەن كەلگەن سپورتشىلار 11 سپورت ءتۇرى بويىنشا 64 مەدال جيىنتىعىن ساراپقا سالادى.

بايراقتى دودادا قازاقستان نامىسىن قورعاۋعا 153 سپورتشى اتتاندى. ولاردىڭ اراسىندا حالىقارالىق دەڭگەيدەگى ءتۇرلى جارىستاردا جەڭىمپاز بولعان مانەرلەپ سىرعاناۋشىلار دەنيس تەن، ەليزابەت تۇرسىنبايەۆا، كونكيشىلەر رومان كرەچ، دەنيس كۋزين، ەكاتەرينا ايدوۆا جانە شاڭعىشى نيكولاي چەبوتكو بار.

جارىستىڭ جابىلۋ ءراسىمى 26 - اقپان كۇنى كەشكى ساعات 18:00-دە وتەدى دەپ جوسپارلانعان.