وزبەكستان ەكسپو-2017 كورمەسىنە قاتىسۋ شارتىنا قول قويدى
ساپار اياسىندا وزبەكستان رەسپۋبليكاسىنىڭ سىرتقى ەكونوميكالىق بايلانىستار، ينۆەستيتسيا جانە ساۋدا ءمينيسترى ەلەر گانيەۆپەن جانە «ۋزەك سپوت سەنتر» ا ق باسقارما ءتوراعاسى - وزبەكستان ۇلتتىق سەكسياسىنىڭ كوميسسارى يبروحيم ەرگاشيەۆپەن كەزدەسۋ ءوتتى، دەپ حابارلايدى ەكسپو-2017 كوميسسارىنىڭ حاتشىلىعى.
وزبەكستان رەسپۋبليكاسى سىرتقى ەكونوميكالىق بايلانىستار، ينۆەستيتسيا جانە ساۋدا ءمينيسترى ەلەر گانيەۆپەن كەزدەسۋ بارىسىندا تاراپتار ەكىجاقتى ءوزارا ارەكەتتەستىك ماسەلەلەرىن جانە ونىڭ الداعى دامۋ كەلەشەگىن تالقىلادى. قازاقستاندىق كوميسسار سۇحباتتاسىنا پرەزيدەنت ن. ءا. نازاربايەۆتىڭ الەمدىك قاۋىمداستىق قولداۋ بىلدىرگەن جاھاندىق باستامالارى تۋرالى جانە مەملەكەت باسشىسى كوتەرگەن ماڭىزدى ىشكى رەفورمالار جايىندا اڭگىمەلەدى. ر. جوشىبايەۆ ەلوردانىڭ الەمدىك دەڭگەيدەگى اسا ماڭىزدى شارانى وتكىزەتىن ت م د جانە ورتالىق ازياداعى تۇڭعىش استانا ەكەنىن اتاپ ءوتتى.
وزبەكستان سىرتقى ەكونوميكالىق بايلانىستار، ينۆەستيتسيا جانە ساۋدا ءمينيسترى كورمەدە وزبەكستاننان شىعارىلاتىن كۇن پانەلدەرى، كىشى گيدروەنەرگوقۇرىلعىلار سالاسىنداعى وزبەكستاندىق مامانداردىڭ جۇمىستارى كورسەتىلەتىنىن جانە سامارقاند وبلىسىندا تۇرعىزىلىپ جاتقان كۇن ەلەكتر ستانساسىنىڭ ماكەتىن كورۋگە بولاتىنىن حابارلادى.
كەزدەسۋ قورىتىندىسى بويىنشا ر. جوشىبايەۆ پەن ي. ەرگاشيەۆ حالىقارالىق ماماندانعان «ەكسپو-2017» كورمەسىنە وزبەكستاندىق تاراپتىڭ قاتىسۋى تۋرالى شارتقا قول قويدى.
