سپورت نىسانىندا ۋنيۆەرسيادا-2017 ديرەكسياسىنىڭ قىزمەتكەرى قايتىس بولدى
«جۇمىس كۇنىنىڭ سوڭىندا قىزمەتكەرىمىز كەنەتتەن ەسىنەن تانىپ قۇلادى. جانىندا بولعان ادامدار ونىڭ ەسىن جيعىزۋعا تىرىسقان جانە نىساندا كەزەكشىلىكتە بولعان مەديتسينالىق قىزمەتكەردى شاقىرعان. دارىگەر العاشقى مەديتسينالىق كومەكتى كورسەتتى. جەدەل جاردەم بريگاداسى بىرنەشە مينۋتتان كەيىن كەلدى.
40 مينۋت بويى رەانيماتسيالىق شارالار جۇرگىزىلدى، ءبىراق وكىنىشكە وراي، ولار ناتيجە بەرمەدى. جەدەل جاردەم دارىگەرلەرىنىڭ الدىن الا قورىتىندىسى بويىنشا، ءولىم جۇرەك- قان تامىرى اقاۋىنان بولعان. بۇل مەن ءۇشىن ۇلكەن كۇيزەلىس، جەكە ءوز اتىمنان جانە ديرەكتسيا اتىنان باۋىرجان رافيكوۆتىڭ تۋعاندارى مەن جاقىندارىنا قايعىرا كوڭىل ايتامىن. ونىڭ ەگدە جاستاعى اناسى، ايەلى مەن ەكى بالاسى قالدى.
قىزمەتكەرىمىزدى اقتىق ساپارعا شىعارىپ سالۋمەن بايلانىستى بارلىق شىعىنداردى ديرەكتسيا ءوز موينىنا الادى. ونىڭ وتباسىنا ق ر ەڭبەك زاڭناماسىنا سايكەس تولەمدەر بەرىلەدى سونداي- اق، ماتەريالدىق كومەك كورسەتىلەتىن بولادى» ، - دەپ اتاپ ءوتتى ۋنيۆەرسيادا-2017 ديرەكتسياسىنىڭ ديرەكتورى نايل نۋروۆ. بەلگىلى بولعانداي، وقيعا ورنىنا ءى ءى د مەن پروكۋراتۋرا قىزمەتكەرلەرى كەلدى. ب. رافيكوۆتىڭ ءولىمىنىڭ ناقتى سەبەبىن سوت- مەديتسينالىق ساراپتاما انىقتايتىن بولادى.
ايتا كەتەيىك، 30 -قاڭتار كۇنى الماتىدا ءوتىپ جاتقان ۋنيۆەرسيادا ويىندارىنا قوناق رەتىندە كەلگەن FISU- ءدىڭ قۇرمەتتى مۇشەسى، جاقىن ۋاقىتقا دەيىن فينليانديانىڭ ۇلتتىق وليمپيادا كوميتەتىنىڭ پرەزيدەنتى بولعان فينۋ ريستونينەننىڭ جۇرەگى سىر بەرىپ، اۋرۋحاناعا جەتكىزىلدى. وعان وتا جاسالىپ، ول ءساتتى ءوتتى. نايل نۋروۆتىڭ ايتۋىنشا، شەتەلدىك مەيمان بىرەر كۇندە اۋرۋحانادان شىعاتىن بولادى.
سونداي- اق، ن. نۋروۆ ۋنيۆەرسيادا اياسىندا بولعان تاعى ءبىر وقيعا تۋرالى ايتىپ بەرگەن ەدى. قىتاي دەلەگاتسياسىنىڭ مۇشەسى تاۋدا جوعالىپ كەتكەندىگى تۋرالى حابار تۇسكەن. ونى ىزدەپ- تابۋعا بارلىق قۇتقارۋ قىزمەتى جۇمىلدىرىلعان. ءبىراق كەيىن انىقتالعانداي، قىتايلىق قوناق تومەنگە ءتۇسىپ، بولمەدە جىلىنىپ وتىرعان.
اۆتور: گۇلميرا الياكپاروۆا
