قاراعاندى كومىر باسسەينى ءۇشىن 2017 -جىل سەرپىندى بولعالى تۇر
«وبلىستا 11 شاحتا مەن 9 رازەز بار. وندا رەسپۋبليكالىق كولەمنىڭ ۇشتەن ءبىرى جانە كوكستەلەتىن كومىردىڭ 100 پايىزى وندىرىلەدى. 2017 -جىلى «ارسەلورميتتال تەمىرتاۋ» كومىر دەپارتامەنتى ءوندىرىس كولەمىنىڭ جوسپارىن 8,9 پايىزعا، ياعني 11 ميلليون توننا كومىرگە ارتتىرعالى وتىر. «قازاق مىس» كورپوراتسياسى «كۋۋ- چەكينسكي» جانە «مولودەجنىي» ءىرى ەكى رازەزدەرىندە 8,7 ميلليون توننا كومىر ءوندىرۋدى جوسپارلاپ وتىر. بۇل بۇرىنعى نورمادان 9,5 پايىزعا كوپ»، - دەپ حابارلادى وبلىستىق ونەركاسىپ جانە يندۋستريالدى- يننوۆاتسيالىق دامۋ باسقارماسىنىڭ جەتەكشىسى عالىمجان جۇماسۇلتانوۆ وبلىس اكىمدىگىنىڭ ماجىلىسىندە.
ول سونىمەن قاتار قۋاتى جىلىنا 7,5 ميلليون توننا كومىر وندىرۋگە مۇمكىندىك بەرەتىن «شۇباركول پرەميۋم» كاسىپورنىنىڭ ىسكە قوسىلعاندىعىن جەتكىزدى. 2017 -جىلعا كاسىپورىن كومىر ءوندىرۋ كولەمىن 2,3 ميلليون تونناعا ارتتىرۋدى جوسپارلاپ وتىر.
«جالپى العاندا، 2017 -جىلى كومىر ءوندىرۋ كولەمىن 36 ميلليون تونناعا جەتكىزۋ جوسپاردا بار. ءوسىم وتكەن جىلعىمەن سالىستىرعاندا 21 پايىزدى قۇرايدى»، - دەپ قورىتىندىلادى بايانداماشى.
2016 -جىلى وڭىردە 29 ميلليون توننا كومىر وندىرىلگەن.
جەتەكشى بولاشاعىنا ۇلكەن ۇمىتپەن قارايدى.
«ءبىز ءوسىمدى ايتارلىقتاي ۇلعايتىپ وتىرمىز. سوڭعى جىلدارى بىزدە مۇنداي كورسەتكىش بولماعان. كەڭەس وداعى كەزىندە وندىرىلگەن ءونىمنىڭ ەڭ كوبى 50-52 توننا بولاتىن. ءبىز الداعى ۋاقىتتا وسى باعىتتا جىلجي بەرەمىز دەگەن ۇمىتتىمەن. جالپى العاندا بىزدە كومىر ءوندىرىس جاندانىپ كەلەدى»، - دەدى جۇماسۇلتانوۆ.
