ۋنيۆەرسيادا-2017: سپورتشىلار مازىرىندە - ۇلتتىق تاعام

استانا. قازاقپارات - اتلەتتەر اۋىلىنىڭ اسحاناسىندا ۇلتتىق، ازيالىق، ەۋروپالىق، ۆەگەتەرياندىق جانە حالال سەكىلدى بەس تاعام ءتۇرى ۇسىنىلماق، دەپ جازادى «ماسساگەت. ك ز».

«بۇكىل الەم تاعامدارىنا كوڭىل بولىنبەك. ءمازىردىڭ ىشىندە پيسسا، ستەيك، پاستا، سپرينگ- رولل، «توم يام» اتتى تاي سورپاسى جانە ت. ب. تاعام تۇرلەرى بار. ارينە، ءبىز ءوزىمىزدىڭ ۇلتتىق تاعامدارىمىزدى ۇمىت قالدىرمادىق: سپورتشىلارعا ارنالعان اسحانالاردا قازاقتىڭ اس-شايى قويىلعان «شاي داستارحانى» جايىلادى. سونداي-اق، قوناقتار مەن قاتىسۋشىلار بەسبارماق، قۋىرداق، نارىن سەكىلدى قازاقتىڭ ءداستۇرلى تاعامدارىنان دا ءدام تاتىپ كورە الادى»، - دەپ اتاپ ءوتتى Royal Catering كومپانياسىنىڭ باس ديرەكتورى ينديرا احمەتوۆا.

FISU تالاپتارىنا سايكەس اتلەتتەردىڭ كۇندىزگى كالوريا نورماسى (4000-4500) انىقتالىپ، ول قىسقى ويىندار اياسىندا سپورتشىلارعا ارناپ ءمازىردى دايىنداۋ كەزىندە ەسكەرىلەتىن بولادى.

سپورتشىلاردىڭ تاۋلىك ىشىندەگى تاماقتانۋ نورماسىندا ەت، ءسۇت ونىمدەرى مەن نان بۇيىمدارى سەكىلدى ماڭىزدى ونىمدەر قامتىلعان. سونداي- اق، دۇرىس زات اينالىمىن قامتاماسىز ەتۋ ءۇشىن اتلەتتەرگە پايدالى سۋسىنداردىڭ بارلىق تۇرلەرى ۇسىنىلادى.

سونداي-اق، ۋنيۆەرسيادا كەزىندە سپورتشىلار مەن رەسمي دەلەگاتسيا مۇشەلەرى، FISU تەحنيكالىق ماماندارى، حالىقارالىق تەحنيكالىق ماماندار (ITOs)، ۇلتتىق تەحنيكالىق ماماندار (NTOs)، ەرىكتىلەر، ب ا ق وكىلدەرى، مەديتسينالىق قىزمەتكەرلەر، ۇيىمداستىرۋ كوميتەتى، FISU Family وكىلدەرى جانە ت. ب. تۇلعالار تاماقپەن قامتاماسىز ەتىلەدى.