قىتايداعى تانىمال قازاق سايتىندا «ەكسپو -2017» ايدارى اشىلدى

وندا، «ەكسپو -2017» تۋرالى قىسقاشا مالىمەت» ، «ەكسپو -2017» قاشان باستالادى؟ » ، «قازاق ەلىندە وتەتىن ەكسپو كورمەسى تۋرالى نە بىلەمىز؟ » ، «ەكسپو -2017» كورمەسىنىڭ اشىلۋ سالتاناتى» سەكىلدى تاقىرىپتار ورنالاستىرىلىپتى.
«سەن قازاق» سايتىنىڭ جەتەكشىسى اقىتبەك شەريزات ۇلىنىڭ ايتۋىنشا، بۇل قازاق ەلىندە وتەتىن حالىقارالىق كورمەگە شەتتەگى قانداستاردىڭ كوپتەپ كەلۋىنە جول اشادى.
«قازاق ەلىنىڭ ابىرويى - الەمدەگى ءاربىر قازاق بالاسىنىڭ مۇددەسى. قازاقستاندا وتەتىن «ەكسپو -2017» حالىقارالىق كورمەسىنە شەتتەگى قانداستار دا ات سالىسۋ كەرەك دەپ ويلايمىن. سونىمەن بىرگە بيىلعى جىل قىتايدىڭ قازاقستانداعى تۋريزم جىلى. بۇل ايداردى اشۋداعى ماقساتىمىز - وقىرماندارىمىزعا كورمە تۋرالى ناقتى مالىمەتتەر بەرە وتىرىپ، قازاق ەلىن ناسيحاتتاۋ، كورمەگە كەلگىسى كەلەتىن تۋريستەرگە باعىت- باعدار بەرۋ. سول ارقىلى قازاقستان مەن قىتايدىڭ تۋريستىك سالاداعى قارىم- قاتىناسىن ىلگەرلەتۋ» ، دەيدى سايت جەتەكشىسى.
senkazakh.com -100 مىڭنان استام تۇراقتى تىركەلۋشىسى بار. قىتايداعى تانىمال قازاق سايتى.
اۆتور: ريزابەك نۇسىپبەك ۇلى