ورتالىق ازيا تۇرعىندارىنا 2017 -جىلى ينتەرنەت پەن الەۋمەتتىك جەلى قولجەتىمدى بولا تۇسەدى

بۇل تۋرالى قازاقستاننىڭ ستراتەگيالىق زەرتتەۋلەر ينستيتۋتىنىڭ ديرەكتورى ەرلان قارين ءمالىم ەتتى، دەپ حابارلايدى قازاقپارات.
«ءبىز ورتالىق ازيا ەلدەرى ءۇشىن تاعى ءبىر تەندەنسيانى اتاپ وتكەندى ءجون كوردىك. ول دا ءوڭىردىڭ دامۋىنا قاتتى ىقپال ەتەتىن بولادى. اعىمداعى جىلى ءوڭىر حالقىنىڭ كەمىندە 30 ميلليون ادامى نەمەسە 45 پايىزى ينتەرنەت پەن الەۋمەتتىك جەلىگە قولجەتىمدىلىگى ارتادى. بۇل دا وڭىردەگى پروتسەسكە اسەر ەتەدى»، - دەدى ول.
ونىڭ اتاپ وتۋىنشە، ينتەرنەتتى ءتيىمدى كوممۋنيكاتسيا رەتىندە قولدانۋدىڭ بەلگىلى ءبىر مۇمكىندىكتەرى بار. ول ازاماتتاردىڭ مەملەكەتتىك قىزمەتتەرگە قولجەتىمدىلىگىن، اقپارات پەن ءبىلىم الۋىن جەڭىلدەتەدى.
«ورتالىق ازيانىڭ ءبىرقاتار ەلدەرىندە كوممۋنيكاتسيالارعا جانە مەملەكەتتىك قىزمەتتەرگگە ازاماتتاردىڭ قولجەتىمدىلىگىن كەڭەيتۋ بويىنشا ءتۇرلى جوبالاردى اۋقىمدى ءارى قارقىندى جۇزەگە اسىراتىن بولادى. قازاقستاندا «ازاماتتار ءۇشىن ۇكىمەت» جوباسى ودان ارى جۇزەگە اسىرىلادى. مۇنداي جوبالار وزبەكستان، قىرعىزستان جانە تاجىكستاندا دا قولعا الىنادى»، - دەدى قارين.
اۆتور: مارلان جيەمباي