سەرگەي تسىبەنكو: ۋنيۆەرسيادا-2017 سپورت نىساندارىندا ەڭ جوعارى دەڭگەيدەگى جارىستاردى وتكىزۋگە بولادى

استانا. قازاقپارات - الماتىداعى 28-دۇنيەجۇزىلىك قىسقى ۋنيۆەرسيادانى وتكىزۋ جونىندەگى ديرەكسيانىڭ نىسانداردى باسقارۋ جانە قىزمەت كورسەتۋ دەپارتامەنتىنىڭ باسشىسى سەرگەي تسىبەنكو الدا كەلە جاتقان ۋنيۆەرسيادانىڭ سپورت نىساندارى ءتيىستى الەمدىك ستاندارتتاردىڭ بارلىعىنا قانشالىقتى سايكەس كەلەتىندىگى جونىندە ايتىپ بەردى، دەپ حابارلايدى حالىقارالىق سايىستىڭ ۇيىمداستىرۋشىلارى.
None
None

- الماتىداعى قىسقى ۋنيۆەرسيادا سەگىز سپورتتىق نىساندا وتكىزىلەدى، ونىڭ التاۋى الماتىدا، قالعان ەكەۋى الماتى وبلىسىندا ورنالاسقان، - دەيدى سەرگەي تسىبەنكو.

- ەڭ جاڭا ەكى نىسان سالىنىپ، پايدالانۋعا بەرىلدى: «الماتى-ارەنا» 12 مىڭ، ال «حالىق-ارەنا» 3 مىڭ كورەرمەندى سىيدىرا الادى. سونداي-اق، ەكى نىساندا دا سىرعانايتىن مۇز ايدىنى بار. نىسانداردىڭ بارلىعى قاجەتتى بۇكىل زاماناۋي الەمدىك ستاندارتتارعا سايكەس كەلەدى، تۇپتەپ كەلگەندە، ولار ت م د اۋماعىنداعى ەڭ ۇزدىك سپورتتىق عيماراتتاردىڭ ءبىرى سانالادى.

الماتى وليمپيادا ويىندارىن وتكىزۋگە دە ءوتىنىم جولداعاندىقتان، بارلىق سپورتتىق نىساندار جانە دە اتلەتتەر اۋىلى سوڭعى تەحنولوگيالاردى ەسكەرە وتىرىپ سالىندى. وسى نىسانداردا ەڭ جوعارى دەڭگەيدەگى حالىقارالىق سايىستاردى، سونىڭ ىشىندە وليمپيادا ويىندارىن وتكىزۋگە بولادى. بۇل وزىق ۇلگىدە جەتىلدىرىلگەن، ەڭ زاماناۋي نىساندار بولىپ تابىلادى. سونداي-اق، ءبىزدىڭ سپورت الاڭدارىمىز امبەباپ، وندا سپورتتىق ءىس-شارالاردى عانا ەمەس، كوممەرتسيالىق، ويىن-ساۋىق تۇرىندەگى ءىس-شارالاردى وتكىزۋگە بولادى.

بىزدە وسىعان دەيىن سالىنىپ قويىلعان نىساندار، اتاپ ايتقاندا، شاڭعى ترامپليندەر كەشەنى، «مەدەۋ» جوعارى تاۋلى مۇزايدىنى، بالۋان شولاق اتىنداعى سپورت سارايى تۋرالى ايتار بولساق، وندا ءبىرقاتار قايتا قۇرۋ جۇمىستارى جۇرگىزىلىپ، كەز كەلگەن جارىستاردى وتكىزۋگە جاعداي جاسايتىن ەڭ سوڭعى جابدىق ساتىپ الىندى. الماتىداعى ۋنيۆەرسيادا تۋرالى حابار الەمنىڭ 100 دەن اسا ەلىندە تاراتىلادى، ونى تاماشالايتىن كورەرمەن سانى شامامەن 1 ميللياردتى قۇراماق. سوندىقتان ءبىزدىڭ بۇكىل نىساندارىمىز بارلىق حالىقارالىق ستاندارتتار مەن نورمالارعا سايكەستەندىرىلىپ، بارلىق سەرتيفيكاتتار، سونىڭ ىشىندە تەليەۆيزيا ماماندارىنان جانە سپورت سالاسىنداعى قۇزىرەتتى تۇلعالاردان سەرتيفيكاتتاردىڭ بارلىعى الىندى.

- ادەتتە سپورت نىساندارىنا تەكسەرۋ قالاي جۇرگىزىلەدى جانە حالىقارالىق ستاندارتتارعا سايكەستىگى تۋرالى سەرتيفيكاتتار قانشا مەرزىمگە بەرىلەدى؟

- قىسقى ۋنيۆەرسيادا حالىقارالىق ستۋدەنتتىك سپورت فەدەراتسياسىنىڭ (FISU) قامقورلىعى اياسىندا وتكىزىلەدى، دەگەنمەن قىسقى سپورت تۇرلەرى بويىنشا بارلىق حالىقارالىق فەدەراتسيالاردىڭ باقىلاۋىندا بولادى. ءاربىر فەدەراتسيا جارىستار وتكىزىلەتىن ۋاقىتتا ءوزىنىڭ تەحنيكالىق دەلەگاتىن جىبەرەدى. ءبىز بارلىق ستاندارتتار مەن تالاپتاردى ولارمەن كۇندەلىكتى تۇردە ماقۇلداستىرىپ وتىرامىز، ويتكەنى نىساندار حالىقارالىق فەدەراتسيانىڭ سەرتيفيكاتتارى مەن راسىمدەرىنە سايكەس كەلمەيتىن بولسا، بىردە-ءبىر جارىس باستالمايدى.

سەرتيفيكاتتار بەلگىلى ءبىر مەرزىمگە بەرىلەدى، ءاربىر حالىقارالىق فەدەراتسيادا ونىڭ مەرزىمى ءارتۇرلى بولادى. مىسالى، تاۋ-شاڭعى سپورتىندا سەرتيفيكات بىرنەشە جىلعا بەرىلەدى. ال حوككەي، كونكي، شورت-ترەك سەكىلدى سپورت تۇرلەرى تۋرالى ايتار بولساق، جىل سايىن گەودەزيا تۋرالى سەرتيفيكاتتى الۋ قاجەت. بۇل سەرتيفيكات مۇز الاڭى، جولدار مەن مۇز بەتىنىڭ ەنى دۇرىس بەلگىلەنگەنىن راستايدى. حالىقارالىق جارىستاردى وتكىزۋ ءۇشىن رۇقساتى مەن ليتسەنزياسى بار سەرتيفيكاتتالعان مامان كەلىپ، ول بۇكىل بەلگىلەۋ جۇمىستارىن جۇرگىزەدى. شاڭعى سپورتىندا وسىعان ۇقساس سەرتيفيكات بەرىلەدى. بۇل ءۇشىن جولداردى، ىلديى مەن ءورىن ولشەپ بەرەتىن مامان شاقىرىلادى. بۇكىل جۇمىس قاتاڭ رەتتەلگەن، ويتكەنى سپورتشىلار، كورەرمەندەر مەن تورەشىلەردىڭ قاۋىپسىزدىگى وسىعان تاۋەلدى. ءبىزدىڭ نىساندارىمىزدىڭ بارلىعى تولىعىمەن بۇكىل تەكسەرۋلەردەن ءوتىپ، قاجەتتى سەرتيفيكاتتاردى العان.

- دەمەك، ۋنيۆەرسيادا اياقتالعان سوڭ دا ءبىز وزىمىزدە اسا اۋقىمدى جارىستاردى وتكىزە الامىز عوي؟

- الماتىداعى قىسقى ۋنيۆەرسيادانىڭ باستى مىندەتتەرىنىڭ ءبىرى دە وسىندا جاتىر، ياعني وسىنداي اۋقىمداعى جاھاندىق جانە يميدجدىك ءىس-شاراعا دايىندالۋ اياسىندا ءوزىمىزدىڭ سپورتتىق بازامىزدى رەتكە كەلتىرىپ، جاڭا نىسانداردى سالۋ كوزدەلگەن. سونداي-اق، ءبىز ۇرپاعىمىزعا قالدىرار سپورتتىق ميراسىمىز تۋرالى دا ۇمىتپاۋىمىز قاجەت. مىسالى، «حالىق ارەنا» جانە «الماتى ارەنا» سەكىلدى ەكى مۇز الاڭىن الايىق: ءبىز جاڭا جىلعا دەيىن قالىڭ جۇرتشىلىقتىڭ وندا تەگىن سىرعاناۋىنا مۇمكىندىك بەردىك. ونىڭ ناتيجەسى وراسان زور بولدى، كوپتەگەن ادامدار كەلدى، وسىلايشا ءبىز ولاردى سپورتقا تارتا الدىق. بۇل وسى ەكى الاڭنىڭ قالانىڭ شەتكەيىندەگى اۋدانداردا ورنالاسقانى ارقاسىندا مۇمكىن بولدى. بۇل اۋدانداردىڭ تۇرعىندارىندا «مەدەۋگە» نەمەسە قالانىڭ ورتالىعىنا بارىپ تۇرۋعا ءاردايىم مۇمكىندىك بولا بەرمەيدى، ال وسى مۇز الاڭدارىنىڭ سالىنۋى وسى ماسەلەنى شەشتى. وسىنى ميراس دەپ ايتۋعا بولادى. ءبىز سپورت نىساندارىن قالا ورتالىعىندا عانا ەمەس، سونداي-اق، قالا شەتىندەگى اۋدانداردا دا سالۋىمىز قاجەت. قايتالاپ ايتىپ وتەيىن، ۋنيۆەرسيادا ارقاسىندا ءبىز كەز كەلگەن دەڭگەيدەگى جارىستاردى، ءتىپتى وليمپيادا ويىندارىنا شەيىن وتكىزۋگە مۇمكىندىگىمىز بار.

ەستەرىڭىزگە سالىپ وتەلىك، قىسقى ۋنيۆەرسيادا 2017-جىلدىڭ 29- قاڭتارىنان باستاپ 8- اقپانى ارالىعىندا الماتىدا وتەدى.

سوڭعى جاڭالىقتار