راسۋل جۇمالى 2017 -جىلدى «قازاق ءتىلىنىڭ جىلى» دەپ جاريالاۋدى ۇسىندى
دەپ حابارلايدى قازاقپارات.
«مەنىڭ ويىمشا، 2017 تەك قورشاعان الەم ەمەس، قازاق ءۇشىن بەتبۇرىستى جىل بولماق. سوعان اقىلىمىز، جىگەرىمىز، نامىسىمىز، ازاماتتىعىمىز ءازىر تۇرسىن. ءوز باسىم ف ب- داعى ورىسشامدى وتكەن 2016-دا قالدىردىم. 2017- ءنى قازاق ءتىلىنىڭ جىلى دەپ جاريالايىق»، - دەپ جازدى ساياساتتانۋشى.
قازىر الەۋمەتتىك جەلىدە حالىق بۇل ۇسىنىستى قولداپ، مەملەكەتتىك قىزمەتتە جۇرگەن شەنەۋنىكتەردىڭ بارلىعى «مەملەكەتتىك قىزمەتكەر تۋرالى» زاڭعا سايكەس، تازا قازاقشا سويلەسىن دەگەن ۇسىنىستارىن ءبىلدىرىپ جاتىر.
ايتا كەتەيىك، مەملەكەت باسشىسى نۇرسۇلتان نازاربايەۆ «قازاق ءتىلى ءۇش ءتىلدىڭ بىرەۋى بولىپ قالمايدى. ءۇش ءتىلدىڭ ءبىرىنشىسى، نەگىزگىسى، باستىسى، ماڭىزدىسى بولا بەرەدى. قازاق ءتىلى - قازاقستان رەسپۋبليكاسىنىڭ مەملەكەتتىك ءتىلى» دەگەن بولاتىن.
اۆتور: كەنجەكەي توقتامۇرات قىزى
