پارلامەنت دەپۋتاتتارى 2017-جىلدىڭ باسىندا استانادان كەتەدى
ونىڭ سوزىنە قاراعاندا، كەلە جاتقان جاڭا جىل دەپۋتاتتار ءۇشىن سايلاۋشىلارمەن كەزدەسۋدەن باستالادى. ول ءۇشىن بيۋرونىڭ شەشىمى دە قابىلداندى.
«2017-جىلدىڭ 4-13- قاڭتارىندا سايلاۋشىلارمەن كەزدەسۋلەر ءۇشىن بىزدە وڭىرلەرگە ساپارلار جوسپاردا بار. وسى رەتتە ءتيىستى كەستە پىسىقتالىپ، بەكىتىلدى. بۇل وتە ماڭىزدى ساياسي شارا بولىپ تابىلادى، ياعني ونىڭ بارىسىندا ەلىمىز تاۋەلسىزدىگىنىڭ 25 جىلدىعىنا ارنالعان سالتاناتتى جينالىستا مەملەكەت باسشىسى ءسوزىنىڭ نەگىزگى مازمۇنىن حالىققا ءتۇسىندىرۋىمىز كەرەك. وندا پرەزيدەنت وتە ۇلكەن ستراتەگيالىق ماقساتتاردى العا قويعان ەدى»، - دەدى ءماجىلىس ءتوراعاسى.
ونىڭ سوزىنە قاراعاندا، قازىرگى شاقىرىلىمداعى ءماجىلىستىڭ جۇمىسى باستالعالى 81 زاڭ جوباسى وندىرىسكە قابىلداندى. ونىڭ ىشىندە ماقۇلدانىپ، سەناتقا جىبەرلىگەندەرى 51 گە جەتتى. سونىمەن بىرگە 9 زاڭ جوباسىن دەپۋتتاردىڭ وزدەرى ازىرلەدى. بۇگىندە پارلامەنت قابىلدانعان زاڭداردىڭ 32 سىنە مەملەكەت باسشىسى قول قويىپ، ولار زاڭدى كۇشىنە ەندى.
«پارلامەنتتىڭ بارشا زاڭ شىعارۋشىلىق جۇمىسى جاڭا فورماتتا جۇرگىزىلۋدە. ماجىلىستە زاڭ جوبالارىن قاراستىرۋ ب ا ق- تىڭ، ۇكىمەتتىك ەمەس ۇيىمداردىڭ، قوعامدىق-ساياسي بىرلەستىكتەردىڭ، پارلامەنتكە ەنبەي قالعان پارتيالاردىڭ قاتىسۋىمەن وتۋدە»، - دەپ توقتالدى نىعماتۋلين.
وسى رەتتە ول كاسىبي ءارى ۇيلەسىمدى جۇمىستارى ءۇشىن پالاتا دەپۋتاتتارىنا العىسىن ايتتى. ءماجىلىس ءتوراعاسى ءسوز سوڭىندا جۇمىس جۇكتەمەسىنىڭ ارتۋىنا قاراماستان، دەپۋتاتتار جۇمىسىنىڭ قارقىنى جاقسى ەكەنىن قاداپ ايتتى.
اۆتور: رۋسلان عابباسوۆ
