قازاقستاندا 2017 -جىلى ش ى ۇ جاستار فورۋمى وتەدى
بۇل تۋرالى بۇگىن ش ى ۇ مۇشە مەملەكەتتەر ۇكىمەتتەرى باسشىلارىنىڭ مەرەيتويلىق وتىرىسىندا ق ر پرەمەر-ءمينيسترى باقىتجان ساعىنتايەۆ ءمالىم ەتتى، دەپ حابارلادى بىشكەكتەن «قازاقپارات» ح ا ا ءتىلشىسى.
ب. ساعىنتايەۆتىڭ ايتۋىنشا، ش ى ۇ ۇلگىسى بىرەگەي، ىنتىماقتاستىقتىڭ كوپتەگەن باعىتتارى بويىنشا ەدۋىر جەتىستىكتەر بايقالۋدا. «ماڭىزدى بلوك - مادەني-گۋمانيتارلىق سالاداعى ىنتىماقتاستىق. قازاقستان 2017-جىلى ش ى ۇ جاستار فورۋمىن وتكىزۋ ارقىلى ءوز ۇلەسىن قوسپاق. اتاپ ايتقاندا، ءبىز ش ى ۇ ۋنيۆەرسيتەتىنىڭ قۇرىلۋى مەن جۇمىس ىستەۋى تۋرالى ەلدەر ۇكىمەتتەرى اراسىندا كەلىسىمگە قول قويۋ پەرسپەكتيۆاسىنا ىقپالىمىز زور بولماق. ش ى ۇ 2017-2020-جىلدارعا ارنالعان عىلىمي-تەحنيكالىق ارىپتەستىك تۇجىرىمداماسىنا كوپ ءۇمىت ارتامىز»، - دەدى قازاقستاندىق پرەمەر.
ەسكە سالساق، قازىرگى ساتتە قازاقستان ش ى ۇ ءتوراعاسى بولىپ تابىلادى. 2017-جىلعى 8-9- ماۋسىمدا ۇيىمعا مۇشە مەملەكەتتەر باسشىلارىنىڭ ءسامميتى وتەدى.
