ۋنيۆەرسيادا-2017: قاي سپورت ءتۇرى قايسى سپورت الاڭىندا وتەدى؟
2011-جىلى 29- قاراشادا حالىقارالىق ستۋدەنتتىك سپورت فەدەراتسياسى الماتىنى 2017-جىلعى XXXIII دۇنيەجۇزىلىك قىسقى ۋنيۆەرسيادانى قابىلدايتىن قالا دەپ جاريالاعاننان قازىرگە دەيىن، قازاقتىڭ اسەم قالاسىن كورۋگە اڭسارى اۋعاندار قانشاما؟! ت م د ەلدەرىنىڭ ىشىندە ەڭ العاشقى بولىپ قىسقى ۋنيۆەرسيادا ويىندارىن وتكىزگەلى وتىرعان قازاق ەلىنە بۇكىل الەم كوز تىگەتىن كۇندەر دە الىس ەمەس...
قازىردىڭ وزىندە الماتى قالاسىندا وتكەلى وتىرعان قىسقى ۋنيۆەرسيادا ويىندارىنا الەمنىڭ 55 تەن استام ەلىنەن 2 مىڭعا جۋىق سپورتشى قاتىساتىنى بەلگىلى بولعان. قاتىسۋشى ەلدەر سانى مەن سپورتشىلار سانى ارتپاسا، كەمىمەيتىنى بەلگىلى. جالپى، جارىس كەزىندە الماتى شاھارىنا شامامەن 30 مىڭ شەتەلدىك قوناقتار مەن تۋريستەر كەلەدى دەپ جوسپارلانعان.
وسىدان شامالى ۋاقىت بۇرىن 2017-جىلعى قىسقى ۋنيۆەرسيادا ويىندارىندا سپورتشىلار قانداي سپورت تۇرلەرىنەن سىنعا تۇسەتىنىن ايتقان بولاتىنبىز. ەندى بۇگىن سول سپورت تۇرلەرى قاي سپورت سارايلارىندا وتەتىنىن نازارلارىڭىزعا ۇسىنامىز.
بياتلون - «الاتاۋ» شاڭعى- بياتلون كەشەنىندە وتەدى.
تاۋ شاڭعى سپورتى - «شىمبۇلاق» تاۋ شاڭعى كۋرورتىندا وتەدى.
كەرلينگ - «الماتى ارەنا» ستاديونىندا وتەدى.
كونكيمەن جۇگىرۋ سپورتى - «مەدەۋ» مۇز ايدىنىندا وتەدى.
شاڭعى قوسسايىسى - «الاتاۋ» شاڭعى جانە بياتلون كەشەنىندە جانە «سۇڭقار» حالىقارالىق ترامپليندەر كەشەنىندە وتەدى.
شاڭعى جارىسى - «الاتاۋ» شاڭعى ستاديونىنىندا وتەدى
شاڭعىمەن ترامپليننەن سەكىرۋ - «سۇڭقار» حالىقارالىق ترامپليندەر كەشەنىندە وتەدى.
سنوۋبورد - «شىمبۇلاق» تاۋ-شاڭعى كۋرورتىندا وتەدى.
مانەرلەپ سىرعاناۋ - «الماتى ارەنا» ستاديونىندا وتەدى.
فريستايل - «شىمبۇلاق» تاۋشاڭعى كۋرورتىندا وتەدى.
شايبالى حوككەي - شايبالى حوككەي (ەرلەر) - حالىق ارەنا
شايبالى حوككەي (ايەلدەر) - ب. شولاق اتىنداعى مادەنيەت جانە سپورت سارايىندا وتەدى.
شورت-ترەك - بالۋان شولاق اتىنداعى سپورت جانە مادەنيەت سارايىندا (كىشى ارەنا) وتەدى.
ەستەرىڭىزگە سالا كەتەيىك، 2017-جىلعى ۋنيۆەرسيادا الماتى قالاسىندا 29- قاڭتار مەن 8- اقپان ارالىعىندا وتەدى.
اۆتور: كۇنسۇلتان وتارباي
