قىتايداعى قازاق قىزى ق ر ۇلتتىق مۋزەيىنە 2017 اسىقتان جاسالعان بىرەگەي تۋىندىنى تارتۋ ەتتى
«جىل باسىنان بەرى اسىق جيناپ، جازدا الشىسىنان تۇرعان 2017 اسىقتان وسى تۋىندىنى جاسادىم. كورىپ وتىرعانىڭىزداي، بۇندا قازاقستاننىڭ مەملەكەتتىك تۋى بەينەلەنگەن. وسى رەتتە قازاعىمنىڭ اسىعى ءاردايىم الشىسىنان ءتۇسسىن دەگەن يدەيانى نەگىزگە الدىم»، - دەدى قۇلان جارقىن قىزى «قازاقپارات» تىلشىسىنە بەرگەن سۇحباتىندا.
سونىمەن قاتار شەبەر قىز ءوزىنىڭ ارمانى تۋرالى دا ايتىپ بەردى.
«قىتايدا مەكتەپتى ءتامامداعاننان كەيىن قازاقستانعا كەلىپ، ازاماتتىعىن الۋ نەگىزگى جوسپارىمدا بار. الداعى جىلى ەلباسىنىڭ اتىنداعى نازاربايەۆ ۋنيۆەرسيتەتىنە وقۋعا تۇسكىم كەلەدى»، - دەدى ق. جارقىن قىزى.
ايتا كەتەيىك، بۇگىن ق ر ۇلتتىق مۋزەيىندە قازاق كوشى باستالۋىنىڭ 25 جىلدىعىنا جانە ەكسپو-2017 كورمەسىنە ارنالعان «اتامۇرا ۇرپاققا ميراس» اتتى عىلىمي- تاجىريبەلىك كونفەرەنسيا ءوتتى. وسى شارا اياسىندا شەتەلدەگى قازاقتار ساقتاپ جۇرگەن جادىگەرلەر، وتكەن عاسىردا جاسالعان كۇمىس ەر، الاشا، جانە باسقا دا قولونەر بۇيىمدارى ۇسىنىلعان كورمە ۇيىمداستىرىلىپ، وسى قۇندى زاتتاردىڭ بارلىعى ۇلتتىق مۋزەيگە سىيعا تارتىلدى. كونفەرەنسياعا شەتەلدەن كەلگەن قانداستارىمىز، زيالى قاۋىم وكىلدەرى، عالىمدار، قالا تۇرعىندارى قاتىستى.
