كوستا-ريكا «ەكسپو-2017» كورمەسىنە قاتىساتىنىن رەسمي راستادى
بۇل تۋرالى ەكسپو-2017 حاتشىلىعىنىڭ حابارلاماسىندا ايتىلدى.
كەزدەسۋ بارىسىندا «ەكسپو-2017» كورمەسىنە كوستا-ريكانىڭ قاتىسۋى مەن ەكىجاقتى ىنتىماقتاستىق ماسەلەلەرى تالقىلاندى. كوستا-ريكا سىرتقى ساياسي ۆەدومستۆوسىنىڭ باسشىسى ەل ۇكىمەتى استانادا وتەتىن كورمەگە قاتىسۋدى شەشكەنىن حابارلادى. ءمينيستردىڭ ايتۋىنشا، كوستو- ريكادا پايدالانىلاتىن ەنەرگيانىڭ %97 ى ەنەرگيانىڭ بالاما كوزدەرىنەن وڭدەلگەن. بۇل الەمدەگى ەڭ جوعارى كورسەتكىش بولىپ تابىلادى.
ءوز كەزەگىندە، كورمە كوميسسارى «ەكسپو-2017» بالامالى ەنەرگەتيكا سالاسىنداعى ىنتىماقتاستىقتى دامىتۋدا جاقسى پلاتفورما بولاتىنىن، ال كوستا- ريكانىڭ قاتىسۋى كورمەنىڭ تابىستى وتۋىنە ماڭىزدى ۇلەس قوساتىندىعىن اتاپ ءوتتى.
وسىلايشا، حاتشىلىقتىڭ اقپاراتىنا سايكەس كورمەگە قاتىساتىنىن رەسمي راستاعان كوستا- ريكا - 98- ەل. بۇدان باسقا، بۇگىندە 17 حالىقارالىق ۇيىم قاتىساتىنىن راستادى.
