الماتىدا ۋنيۆەرسيادا-2017 ويىندارى مەدالدارىنىڭ ديزاينى بەكىتىلدى

وتىرىسقا ۇيىمداستىرۋ كوميتەتىنىڭ ءتورايىمى، ق ر پرەمەر- ءمينيسترىنىڭ ورىنباسارى داريعا نازاربايەۆا، ق ر مادەنيەت جانە سپورت ءمينيسترى ارىستانبەك مۇحامەدي ۇلى جانە الماتى قالاسىنىڭ اكىمى باۋىرجان بايبەك قاتىستى.
«مەدالدار كلاسسيكالىق ستيلدە التىن، كۇمىس جانە قولاعا ۇقساتىلعان تەمىر قوسپالارىنان ازىرلەندى. ولار قازاقستاننىڭ مونەتا سارايىندا شەكۋ ادىسىمەن ءتۇستى ەمالدى پايدالانا وتىرىپ دايىندالدى. قۇلپىرمالى مۋار لەنتاسىنا ۋنيۆەرسيادا لوگوتيپى سالىندى. مەدالدىڭ بەت جاعىندا FISU لوگوتيپى، ۋنيۆەرسيادا اتاۋى جانە وتكىزۋ ورنى، ال سىرت جاعىندا ۋنيۆەرسيادا لوگوتيپى كورسەتىلگەن. سونداي- اق، ديرەكتسيا 12 سپورت ءتۇرىن بەينەلەيتىن پيكتوگراممالاردى ازىرلەدى. پيكتوگراممالار - ۋنيۆەرسيادانىڭ مىندەتتى ەلەمەنتتەرى»، - دەدى ءوز سوزىندە ۋنيۆەرسيادا-2017 ويىندارىن دايىنداۋ جانە وتكىزۋ ديرەكتسياسىنىڭ جەتەكشىسى نايل نۇروۆ.
ەستەرىڭىزگە سالا كەتەلىك، بۇكىل الەمدىك 28- قىسقى ۋنيۆەرسيادا ويىندارى الماتىدا 2017 -جىلى 29 - قاڭتار مەن 8 - اقپان ارالىعىندا وتكىزىلەدى. جارىسقا 55-تەن استام ەلدەن 2 مىڭنان استام سپورتشى قاتىسادى. جارىستار 12 سپورت ءتۇرى بويىنشا 8 نىساندا وتكىزىلەدى. بارلىعى 543 مەدال ساراپقا سالىنادى. بۇل ءدۇبىرلى دودانى ۇيىمداستىرۋعا 3 مىڭ ۆولونتەر جۇمىلدىرىلعان جانە قالاعا 30 مىڭ وتاندىق جانە شەتەلدىك قوناقتار كەلەدى دەپ كۇتىلۋدە.
ۋنيۆەرسيادا نىساندارى قۇرىلىسىندا 4200 جۇمىس ورنى اشىلدى جانە قازاقستاندىق مازمۇن - 60 پايىزدى قۇرادى.
بۇگىنگى وتىرىستى قورىتىندىلاي كەلە، داريعا نازاربايەۆا الماتى اكىمدىگىنە ق ر پرەمەر- ءمينيسترىنىڭ نازارىنا ۋنيۆەرسيادانىڭ اشىلۋ جانە جابىلۋ ءراسىمى مەن ۋنيۆەرسيادا الاۋى ەستافەتاسىنىڭ تۇجىرىمداماسىن ۇسىنۋدى، سونداي- اق، سپورتتىق باعدارلامالار مەن ديرەكتسيانىڭ جۇمىس ءتارتىبى باعدارلاماسىن بەكىتۋدى تاپسىردى.