الماتىدا ۋنيۆەرسيادا-2017 بويتۇمارىنىڭ تۇپكىلىكتى نۇسقاسى ۇسىنىلدى

بۇل تۋرالى بۇگىن 12 مىڭ ورىندى مۇز سارايىندا وتكەن 28- قىسقى ۋنيۆەرسيادانى دايىنداۋ جانە وتكىزۋ جونىندەگى ۇيىمداستىرۋ كوميتەتىنىڭ كەزەكتى وتىرىسىندا ۋنيۆەرسيادا-2017 ويىندارىن دايىنداۋ جانە وتكىزۋ ديرەكتسياسىنىڭ جەتەكشىسى نايل نۇروۆ مالىمدەدى.
«ۋنيۆەرسيادا-2017 ويىندارىنىڭ جاڭارتىلعان بويتۇمارى - سۇڭقار قۇستىڭ بالاپانىنىڭ تۇپكىلىكتى نۇسقاسى ۇسىنىلدى. بۇعان دەيىنگى ءتۇپنۇسقاعا ءبىرقاتار ۇلتتىق ەلەمەنتتەر مەن الاۋ قوسىلدى. سۇڭقار قۇس - جەڭىسكە دەگەن جىگەردى جانە ماقساتكەرلىكتى بىلدىرەدى»، - دەدى ول.
بۇدان باسقا، مەدالداردىڭ ديزاينى دا بەكىتىلدى.
ەستەرىڭىزگە سالا كەتەلىك، بۇكىل الەمدىك 28- قىسقى ۋنيۆەرسيادا ويىندارى الماتىدا 2017 - جىلى 29 - قاڭتار مەن 8 - اقپان ارالىعىندا وتكىزىلەدى. جارىسقا 55-تەن استام ەلدەن 2 مىڭنان استام سپورتشى قاتىسادى. باسەكەلەر 12 سپورت ءتۇرى بويىنشا 8 نىساندا وتكىزىلەدى. بارلىعى 543 مەدال ساراپقا سالىنادى. بۇل ءدۇبىرلى دودانى ۇيىمداستىرۋعا 3 مىڭ ۆولونتەر جۇمىلدىرىلعان جانە قالاعا 30 مىڭ وتاندىق جانە شەتەلدىك قوناقتار كەلەدى دەپ كۇتىلۋدە.
ۋنيۆەرسيادا نىساندارى قۇرىلىسىندا 4200 جۇمىس ورنى اشىلدى جانە قازاقستاندىق مازمۇن - 60 پايىزدى قۇرادى.
اۆتور: ايبوتا جاپپاربەرگەن