ەكسپو-2017 كورمەسىنىڭ اشىلۋى قارساڭىندا استانا-پاۆلودار جولى تاپسىرىلادى
بۇل تۋرالى وبلىس اكىمدىگىندە حالىقارالىق كورمەگە دايىندىق بارىسى تۋرالى وتكەن كەڭەستە ءمالىم بولدى.
ەكسپو كورمەسىنە قاراي جوندەلۋى ءتيىس جولدىڭ ءبىر تارماعى قالقامان - باياناۋىل - ۇمىتكەر ەلدى مەكەندەرىن بايلانىستىرادى.
«قازىرگى كەزدە بۇل جوبانى قايتا قۇرۋ جوسپارىنا ەنگىزۋ ءۇشىن ونىڭ تەحنيكالىق-ەكونوميكالىق نەگىزدەمەسى ازىرلەنىپ جاتىر، - دەپ حابارلادى پاۆلودار وبلىسى اكىمىنىڭ ءبىرىنشى ورىنباسارى دۇيسەنباي تۇرعانوۆ. - بۇل جول تۋرالى شەشىم وسى جىلدىڭ اياعىنا دەيىن قابىلداناتىن بولادى».
ايماق باسشىسى بولات باقاۋوۆ اتاپ وتكەندەي حالىقارالىق كورمەگە دايىندىق شەڭبەرىندە جولداردىڭ جاعدايىنا عانا ەمەس، جول بويىنداعى قىزمەت وشاقتارىنا دا كوڭىل ءبولۋ قاجەت. بولات باقاۋوۆتىڭ پىكىرىنشە ەكسپو-2017 تۋريستىك مارشرۋتتارىنىڭ بويىنداعى بارلىق ءدامحانالار مەن قوناق ۇيلەردى قالىپقا كەلتىرۋ قاجەت. وسىعان بايلانىستى ول جەرگىلىكتى اكىمدەرگە بارلىق نىسانداردى ارالاپ، اتالمىش ماسەلەنى باقىلاۋعا الۋدى تاپسىردى.
«سونىمەن بىرگە، وبلىسىمىزداعى بارلىق مۇراجايلاردى اۋديوگيدتەرمەن قامتاماسىز ەتۋ كەرەك»، - دەدى اكىم.
ەكسپو-2017 كورمەسىنىڭ وڭىرلىك مارشرۋتتارىندا تۋريستىك كورسەتكىشتەر، ءۇش تىلدەگى اقپاراتتىق ستەندتەر، بيلبوردتار ورناتۋ، اۆتوتۇراقتار مەن بيودارەتحانالاردى قۇرۋ ماسەلەسى باستى نازاردا تۇر.
