قازاقستاندىق شەنەۋنىكتەر 2017-جىلعى مەرەكە كۇندەرىن اۋىستىرۋ جوباسىن دايىندادى
جوبانى ق ر دەنساۋلىق ساقتاۋ جانە الەۋمەتتىك دامۋ مينيسترلىگى جاسادى.
«2017-جىلى دەمالىس كۇندەرىن اۋىستىرۋ بويىنشا. 2017-جىلدىڭ ناۋرىزى مەن شىلدەسىندە - دەمالىس كۇنىن 18- ناۋرىزدان (سەنبى) 20- ناۋرىزعا (دۇيسەنبى)، 1- شىلدەدەن (سەنبى) 7- شىلدەگە (جۇما) اۋىستىرىلسىن. قازىرگى ۋاقىتتا جوبا مىنا مەملەكەتتىك ورگاندارعا ماقۇلداۋعا جولداندى - مادەنيەت جانە سپورت مينيسترلىگى، ۇلتتىق ەكونوميكا مينيسترلىگى، قارجى مينيسترلىگى جانە ادىلەت مينيسترلىگى، سونىمەن قاتار بەلگىلى ءبىر ۇيىمدارعا. قاۋلىنىڭ جوباسى ناۋرىز ايىنىڭ سوڭىندا جاسالا باستالعان»، - دەپ حابارلادى دەنساۋلىق ساقتاۋ جانە الەۋمەتتىك دامۋ مينيسترلىگىنىڭ ەڭبەك جانە الەۋمەتتىك سەرىكتەستىك دەپارتامەنتىنىڭ وكىلدەرى.
ۆەدومستۆو وكىلدەرىنىڭ ايتۋىنشا، دەمالىس كۇندەرىن اۋىستىرۋ ماسەلەسى ءوز ۋاقىتىندا كوتەرىلىپ وتىر.
وسىعان دەيىن دەپۋتاتتار ۇكىمەتكە دەمالىس كۇندەرى مەن مەرەكە كۇندەرىنىڭ ءبىر جىلدىق كەستەسىن بەكىتۋ تۋرالى بىرنەشە رەت ۇسىنىس جاساعان ەدى.
