20:55, 28 - ءساۋىر 2016 | GMT +5
م. شارشەكەيەۆ: قىرعىزستان ەنەرگەتيكاسى ءۇشىن ەكسپو-2017 كورمەسى ماڭىزدى
بىشكەك. قازاقپارات - قىرعىزستاننىڭ استاناداعى ەكسپو-2017 كورمەسىنە دايىن ەكەنىن بۇگىن جۋرناليستەرگە قىرعىزستاننىڭ ساۋدا-كاسىپكەرلىك پالاتاسىنىڭ پرەزيدەنتى مارات شارشەكەيەۆ تۇركى تىلدەس مەملەكەتتەر كەڭەسىنىڭ IV بيزنەس-فورۋمى مەن تۇرىك ىسكەرلىك كەڭەسىنىڭ IV وتىرىسىندا ءمالىم ەتتى.
«ءبىر اپتا بۇرىن قىرعىزستان كورمەدە قانداي الاڭدا بولاتىنىن جانە جاسالعان جاعدايلار جايلى قورىتىندى كەلىسسوزدەر جۇرگىزۋ ءۇشىن استاناعا باردىم. ەكسپو-2017 كورمەسى ءبىز ءۇشىن ماڭىزدى. ويتكەنى ونىڭ تاقىرىبى جاسىل ەنەرگەتيكامەن بايلانىستى. بۇل سالادا قىرعىزستاننىڭ مۇمكىندىگى مول. بارلىق گيدرو ەلەكترو ستانسالار - بۇل گيدرو ەنەرگەتيكا بولشەكتەرىنىڭ ءبىرى»، - دەدى م. شارشەكەيەۆ.
اتاپ ءوتۋ كەرەك، قىرعىزستاننىڭ كورمەگە قاتىسۋى تۋرالى كەلىسىمگە العاش رەت ەكسپو-2017 كوميسسارى، ق ر سىرتقى ىستەر ءمينيسترىنىڭ ءبىرىنشى ورىنباسارى ءراپىل جوشىبايەۆتىڭ 2014-جىلى 20- جەلتوقساندا بولعان جۇمىس ساپارى بارىسىندا قول جەتكىزىلدى. وندا قازاقستاندىق ديپلومات قىرعىزستاننىڭ مەملەكەتتىك ورگاندارىنىڭ باسشىلارىمەن كەزدەسكەن بولاتىن.
