ساۋد ارابياسى «ەكسپو-2017» كورمەسىنە قاتىساتىنىن رەسمي قۋاتتادى
ق ر س ءى م باسپا ءسوز قىزمەتىنىڭ حابارلاۋىنشا، ساۋد ارابياسىنىڭ ۇكىمەتى، «ۇلكەن جيىرمالىق» توبىنىڭ مۇشەسى (G20) «ەكسپو-2017» كوميسسارىنىڭ حاتشىلىعىنا قاتىساتىنىن قۋاتتاپ رەسمي نوتا جولدادى جانە كورمەدەگى ەل پۆاۆيلونىن - كورول ابداللا اتىنداعى يادرولىق جانە قايتارىمدى ەنەرگەتيكا بويىنشا عىلىمي قالاشىققا جاۋاپتى ورگاندى تاعايىندادى.
ساۋد ارابياسىنىڭ كورولدىگى 2040 -جىلعا قاراي جەر استىنان الىناتىن وتىندى پايدالانۋدان تولىق باس تارتۋدى جوسپارلاپ وتىر. ءداستۇرلى مۇناي مەن كومىردى ەنەرگيانىڭ بالامالى كوزدەرى - كۇن قۋاتى مەن جەلدىڭ كۇشى الماستىرماق. ماقسات - بالامالى ەنەرگيا كوزدەرى ارقىلى وندىرىلگەن ەلەكتردى ەكسپورتتاۋدى باستاۋ. بۇل ءۇشىن تاياۋداعى 20 جىل ىشىندە كۇن ەنەرگەتيكالىق ينفراقۇرىلىمىن دامىتۋعا 109 ميلليارد ا ق ش دوللارىن سالۋدى كوزدەۋدە.
ءسويتىپ، «ەكسپو-2017» كوميسسارى حاتشىلىعىنىڭ اقپاراتى بويىنشا، ساۋد ارابياسى ءوزىنىڭ «ەكسپو-2017» كورمەسىنە قاتىساتىنىن رەسمي قۋاتتاعان 83- ەل بولدى. بۇگىندە 14 حالىقارالىق ۇيىم قاتىساتىنىن قۋاتتادى، 65 كوميسسار تاعايىندالدى، ەكسپو-2017» كورمەسىنە قاتىسۋ تۋرالى 46 شارتقا قول قويىلدى.
