ۋنيۆەرسيادا 2017: الماتىداعى سپورت نىساندارىن بىلەسىز بە؟ - فوتو
العاشقىسى اسەم الاتاۋ بوكتەرىندە وتەتىن XXVIII بۇكىل الەمدىك قىسقى ۋنيۆەرسيادا ويىندارى بولسا، ەكىنشىسى ەلوردا تورىندە وتەتىن «استانا 2017» ەكسپو كورمەسى.
بۇگىنگى تاڭدا ەل بولىپ وسى ەكى ءىرى ءىس-شارانى ويداعىداي وتكىزۋ ءۇشىن بار مۇمكىندىكتىڭ جاسالىپ جاتقانى انىق. ەلوردامىز ەكسپو-عا قىزۋ دايىندىق ۇستىندە بولسا، الماتى XXVIII بۇكىل الەمدىك قىسقى ۋنيۆەرسيادا ويىندارىن وتكىزۋگە بارىن سالىپ جاتىر.
ەلىمىزدىڭ ەكى باس قالاسى دا ءىس-شارا وتەتىن قۇرىلىس نىساندارىن سالىپ، ارلەپ، ەلىمىزگە كەلەتىن قوناقتارعا قازاق ەلىنىڭ بارلىق الەۋەتىن جوعارى دەڭگەيدە ءپاش ەتۋگە كۇش سالماق.
قازىرگى تاڭدا ءبىرىنشى بولىپ الماتىدا الاۋى تۇتاناتىن ۋنيۆەرسيادا ويىندارىنا ارنالعان سپورت نىساندارى تولىقتاي دايىن دەۋگە بولادى. بۇرىننان بار نىساندار كۇردەلى جوندەۋدەن وتسە، ءبىرقاتار نىساندار جاڭادان بوي كوتەرىپ ۇلگەردى.
بۇگىن نازارلارىڭىزعا الماتىداعى XXVIII بۇكىل الەمدىك قىسقى ۋنيۆەرسيادا وتەتىن سپورت نىساندارىن تانىستىرماقپىز. جالپى ۋنيۆەرسيادا ويىندارى مىنا توعىز سپورت كەشەنىندە وتەدى.
مۇز ارەناسى
جوسپارلانعان اياقتالۋ مەرزىمى:
2016-جىلدىڭ تامىز-قىركۇيەك ايلارى.
كورەرمەندەرگە ارنالعان ورىن سانى: 3000 ورىن
اۋماقتىق جالپى اۋدانى: 11,6 گەگتار.
قۇرىلىستىڭ جالپى اۋدانى: 20293,5 شارشى مەتر، نىسان كوپسالالى، امبەباپ 3000 ورىنعا ارنالعان. مۇز ارەناسى مەن 200 ورىنعا ارنالعان كىشى ارەنادان تۇرادى.
ويىندار كەزىندە بۇل نىسان ەرلەر اراسىنداعى شايبالى حوككەيدەن جارىستاردى قابىلدايدى.
نىساننىڭ ورنالاسقان جەرى: الماتى قالاسى مەدەۋ اۋدانى، تالعار داڭعىل جولى مەن قۇلجا داڭعىل جولىنىڭ قيىلىسى.
مۇز سارايى
كورەرمەندەرگە ارنالعان ورىندار: 12000 ورىن
جوسپارلانعان اياقتالۋ مەرزىمى: 2016-جىلدىڭ تامىز - قىركۇيەك ايلارى
اۋماقتىڭ جالپى اۋدانى: 10734 گەگتار
قۇرىلىستىڭ اۋماعى: 29710,94 شارشى مەتر
مۇز سارايى: 12000 ورىنعا ارنالعان باس ارەنا مەن 475 ورىنعا ارنالعان كىشى ارەنادان قۇرالعان
ويىندار كەزىندە سارايدا وتەتىن شارالار: اشىلۋ جانە جابىلۋ سالتاناتتارى، سپورتتىق ديستسيپلينالار
نىساندا وتكىزىلەتىن سپورت جارىستارىنىڭ تۇرلەرى:
باس ارەنا: مانەرلەپ سىرعاناۋ
كىشى ارەنا: كەرلينگ
نىساننىڭ ورنالاسقان جەرى: الماتى قالاسى الاتاۋ اۋدانى، مومىش ۇلى كوشەسىنىڭ بويىمەن، رىسكۇلوۆ داڭعىلىنىڭ سولتۇستىگىنە قاراي
اتلەتيكالىق قالاشىق
جاتار ورىن: 5000 ورىن
جوسپارلانعان اياقتالۋ مەرزىمى: 2016-جىلدىڭ شىلدەسى
جالپى اۋماعى: 24,41 گەگتار
قۇرىلىس اۋماعى: 23977,66 شارشى مەتر
اتلەتيكالىق قالاشىق 8-9 قاباتتى تۇرعىن ۇيلەردەن تۇرادى. وندا بارلىعى 8 تۇرعىن ءۇي بار. جانە 14 قاباتتى 4 عيمارات بار. 800 ورىنعا ارنالعان اسحانا، باسسەين، مەديتسينالىق ورتالىق، كينوتەاتر ورنالاسقان. ۋنيۆەرسيادا اياقتالعاننان كەيىن اتلەتيكالىق قالاشىق ستۋدەنتتەردىڭ جاتاقاناسى مەن ۇستازدارعا تۇرعىن ءۇي رەتىندە كەپىلدىككە بەرىلمەك.
ورنالاسقان جەرى: الماتى قالاسى الاتاۋ اۋدانى، مومىش ۇلى كوشەسىنىڭ بويىمەن، رىسقۇلوۆ داڭعىلىنىڭ سولتۇستىگىنە قاراي
«مەدەۋ» مۇز ايدىنى
ۋنيۆەرسياداداعى سپورت تۇرلەرى:
كونكيمەن جۇگىرۋ سپورتى 31- قاڭتار مەن 6- اقپان ارالىعى 2017-جىل
بەندي - دوپتى حوككەي 31- قاڭتار مەن 7- اقپان ارالىعى 2017-جىل
نىساننىڭ ينفراسترۋكتۋراسى: 8300 ورىندىق؛ 38 ش. م 4 كيىم اۋىستىرۋ بولمەسى؛ تورەشىلەر بريگاداسىنا ارنالعان 4 بولمە؛ 200 ش. م جاتتىعۋ زالى؛ باسپا ءسوز ورتالىعى/مەديا ورتالىق؛ VIP ايماعى؛ سپورتشىلار مەن كورەرمەندەرگە ارنالعان تاماقتانۋ ايماعى؛ كوممەنتاتورلىق ورىندار.
سالىنعان ۋاقىتى: 1972-جىل
سوڭعى كۇردەلى جوندەۋ جۇمىستارى: 2011-جىل
جالپى اۋماعى: 12031 ش. م
سىيىمدىلىعى: 8300 ورىن
اتلەتيكالىق قالاشىق پەن ارا قاشىقتىعى: 30,6 شاقىرىم
ورنالاسقان جەرى: الماتى قالاسى گورنايا كوشەسى، 465
بالۋان شولاق اتىنداعى سپورت سارايى
ۋنيۆەرسيادا كەزىندەگى سپورت ءتۇرى:
باستى ارەنا - ايەلدەر اراسىندا شايبالى حوككەي 28- قاڭتار مەن 7- اقپان 2017-جىل
سىرعاناۋ ارەناسى - شورت- ترەك 3-7- اقپان 2017-جىل
باستى ارەنا
نىساننىڭ قۋاتتىلىعى - 2037 كۆت؛
جالپى اۋماعى - 10695 ش. م.؛
كورەرمەنگە ارنالعان ورىندار - 3725؛
اۋماعى - 61,1 مەن 68 ش. م 5 كيىم اۋىستىراتىن بولمە؛ تورەشىلەر بريگاداسىنا ارنالعان 1 بولمە؛ اۋماعى 17,5 مەن 41,7 ش. م. اپكەرلەرگە ارنالعان 2 بولمە؛ قاتىسۋشىلاردى اككرەدتەيتىن 1 بولمە؛ 2 جاتتىعۋ زالى، اۋماعى 40 ش. م ي 150 ش. م قۇرايدى؛ حورەوگرافيا زالى، اۋماعى 110 ش. م.؛
باسپا ءسوز- ورتالىعى؛
تۇراقتى 10 TV كامەراسى.
كىشى ارەنا
جالپى اۋماعى - 8801 ش. م.؛
كورەرمەنگە ارنالعان ورىندار - 1100
4 كيىم اۋىستىراتىن بولمە؛ 4 باپكەرلەر بولمەسى؛ 650 ورىنعا ارنالعان 8 قاباتتى پاركينگ.
سالىنعان ۋاقىتى: 1967 -جىل
سوڭعى جوندەۋ جۇمىستارى: 2010-جىل
جالپى اۋماعى: 24426 ش. م.
سىيىمدىلىعى: 4825 ورىن
اتلەتيكالىق قالاشىق پەن ارا قاشىقتىعى: 12, 7 شاقىرىم.
ورنالاسقان جەرى: الماتى قالاسى، اباي داڭعىلى 44
«شىمبۇلاق» تاۋ-شاڭعى كۋرورتى
تۇرعىلىقتى جەرى: الماتى قالاسى مەدەۋ اۋدانى، گورنايا كوشەسى 640.
ورنالاسقان جەرى: تەڭىز دەڭگەيىنەن 2260 مەتر، ىلە الاتاۋىنىڭ باۋرايلارىندا.
سالىنعان جىلى: 1954-جىل.
جاز ايلارىندا ورتاشا اۋا تەمپەراتۋراسى +20س. جەتىپ، قىستا -7س. قۇرايدى.
شىمبۇلاق كەشەنى كۇردەلى جوندەۋدەن وتكەن:
ۇزىندىعى 6 شاقىرىم بولاتىن تراسسا ەكى ەسەگە ۇزارعان.
جولدار حالىقارالىق تاۋشاڭعى سپورتى فەدەراتسياسىنىڭ(FIS) اتتەستاتسياسىنان وتكەن.
2011-جىلى الماتىدا وتكەن ازيا ويىندارىنا ارنالىپ، «شىمبۇلاققا» دەيىن، «مەدەۋ» مۇز ايدىنىنان باستالاتىن زاماناۋي اسپالى جول سالىنعان. بارلىعى 114 جايلى كابينالار ءبىر ساعاتتا 2500-3000 ادامدى تاسىمالداي الادى.
ويىندار كەزىندە كەشەن، تاۋشاڭعى، سنوۋبورد، فريستايلدان جارىستاردى قابىلدايدى.
«سۇڭقار» حالىقارالىق ترامپليندەر كەشەنى
بىرەگەي نىسان 2010-جىلى سالىنعان. بۇل كەشەننىڭ كولەمى 28163 شارشى مەتر، مىنبەدە 5200 ورىندىق بار.
ەكى ايماقتان تۇرادى - ءبىرىنشىسى حالىقارالىق دەڭگەيدەگى جارىستاردى وتكىزەتىن ايماق، ەكىنشىسى وقۋ-جاتتىعۋ وتكىزەتىن ايماق. بۇدان بولەك مۇندا بەس ترامپلين بار: حالىقارالىق دەڭگەيدەگى ك-125 تۇعىرى (الەم بويىنشا كوپ كەزدەسە بەرمەيتىن ەڭ ۇلكەن ترامپليندەردىڭ ءبىرى)، ك- 95 (الەم بويىنشا 300 عانا) جانە بالالارعا ارنالعان - ك-60, ك-40, ك-20 تۇعىرلارى.
بۇل امبەباپ تۇعىرلار، مۇندا قاردا عانا ەمەس جاساندى توسەنىشپەن سىرعاناپ، سەكىرۋگە دە بولادى. تورەشىلەر بلوگى، اسپالى جول، پاركينگ، مەديا ورتالىق، قاجەتتىنىڭ بارلىعى بار.
ويىندار كەزىندە ترامپلين، تۇعىردان سەكىرۋ مەن شاڭعى قوسسايىسىنان جارىستار قابىلدايدى.
ورنالاسقان جەرى: الماتى قالاسى، ءال-فارابي داڭعىلىمەن وڭتۇستىككە قاراي.
«الاتاۋ» شاڭعى جانە بياتلون كەشەنى
ورنالاسقان جەرى: 1470 دەن، 1540 مەترگە دەيىن بيىكتىكتە ورنالاسقان الماتى وبلىسى، تالعار اۋدانىنا قاراستى «بەس اعاش» اڭعارىندا ورنالاسقان.
«الاتاۋ» 2010-جىلى 7- قىسقى ازيا ويىندارى مەن وزگە دە حالىقارالىق جارىستاردى ۇيىمداستىرۋ ءۇشىن سالىنعان بولاتىن.
كەشەننىڭ جالپى كولەمى: 47 گەكتار القاپتى الىپ جاتىر.
كەشەننىڭ اۋماعىندا بىرنەشە كولىك تۇراعى، تىكۇشاق الاڭى، ستارت-فينيش پەن اتۋ ايماعى بار.
ستاديونداردىڭ جوسپارى FIS، IBU- دىڭ تالابىنا ساي، حالىقارالىق ستاندارتتارمەن جاسالعان.
ءار ستاديوننىڭ مىنبەرى 3000 كورەرمەنگە ارنالعان (1300 تۇرەگەلىپ تۇراتىن جانە 1800 وتىراتىن ورىن).
شاڭعى تراسساسىنىڭ ماكسيمالدى ۇزاقتىعى - 10 كيلومەتر، 5 كيلومەتر كوك 5+ كيلومەتر قىزىل ەكى اينالىمنان تۇرادى.
بياتلون تراسساسىنىڭ ماكسيمالدى ۇزاقتىعى - 4 كيلومەتر.
تراسسالاردىڭ جالپى ۇزاقتىعى -14 كيلومەتر.
ويىندار كەزىندە بۇل جەردە بياتلون مەن شاڭعى سايىسىنان جارىستار وتەدى.
«استانا» الاڭىنداعى ۋاقىتشا سپورت عيماراتى
بۇل نىسان جارىس قارساڭىندا، ياعني جارىس باستالار الدىندا الماتى قالاسىنداعى ەسكى الاڭدا ۋاقىتشا بوي كوتەرەتىن بولادى. وندا فريستايلدىڭ اكروباتيكاسى مەن بيگەير جارىستارى وتەدى دەپ جوسپارلانعان. استانا الاڭىندا ورناتىلادى
كۇنسۇلتان وتارباي،
سۋرەتتەر almaty2017.com سايتىنان الىندى
