بانكتەر 2017-جىلدىڭ ماۋسىمىنان باستاپ تولەمدەر مەن اقشا اۋدارىمدارىن كۇنبە-كۇن جاساۋعا مىندەتتەلەدى
بۇل تۋرالى بۇگىن ماجىلىستە «تولەمدەر جانە تولەم جۇيەلەرى تۋرالى» زاڭ جوباسىنىڭ تانىستىرىلىمى بارىسىندا ءمالىم بولدى.
ەسكە سالايىق، زاڭ جوباسى مەملەكەت باسشىسى ن. نازاربايەۆتىڭ جەدەل تولەمدەر وپەراتورلارىنىڭ قىزمەتىن رەتتەۋ تۋرالى تاپسىرماسىن ورىنداۋ ماقساتىندا ازىرلەنگەن.
ۇلتتىق بانك ءتوراعاسىنىڭ ورىنباسارى الپىسباي احمەتوۆتىڭ ايتۋىنشا، زاڭ جوباسى ارقىلى تولەمدەر مەن اقشا اۋدارىمدارىن جۇزەگە اسىرۋ ءتارتىبى ايقىندالاتىن بولادى.
«تولەم قىزمەتتەرىن، تۇتىنۋشىلاردىڭ مۇددەلەرىن قورعاۋعا باعىتتالعان جاڭالىقتار قامتىلىپ وتىر. ماسەلەن، ەگەر زاڭ جوباسى قابىلدانسا بانكتەردىڭ تولەمدەردى ورىنداۋ مەرزىمى قىسقارتىلادى. اتاپ ايتقاندا، قازىرگى كۇنى ەلىمىزدەگى ەكىنشى دەڭگەيلى بانكتەردە تولەم ورىنداۋ مەرزىمى ءتورت كۇنگە دەيىن سوزىلىپ وتىر. ال قۇجات قابىلدانسا، بۇل مەرزىم ەكى كۇنگە دەيىن قىسقارادى. سونىمەن قاتار، 2017-جىلدىڭ ماۋسىمىنان باستاپ بانكتەر تولەمدەر مەن اقشا اۋدارىمدارىن كۇنبە-كۇن جاساۋعا مىندەتتى بولادى»، - دەدى الپىسباي احمەتوۆ.
ونىڭ سوزىنە قاراعاندا، ەكىنشى دەڭگەيلى بانكتەر قىزمەتىندە اقشا جانە تولەم اۋدارىمدارىن جەدەلدەتۋ قاراپايىم حالىققا دا، بيزنەسكە دە اسا ءتيىمدى.
اۆتور: قانات مامەتقازى ۇلى
