استانانىڭ جاڭا تەمىرجول ۆوكزالى 2017 - جىلدىڭ كوكتەمىندە تاپسىرىلادى
بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا «قازاقستان تەمىر جولى» ۇ ك» ا ق- نىڭ «تەمىر جول جەلىلەرى قۇرىلىسى جونىندەگى ديرەكسيا» فيليالىنىڭ ديرەكتورى باقىت قارساقبايەۆ ءمالىم ەتتى.
«بۇل جوبانى ق ت ج سالىپ جاتىر. وسى نىسان 2016 اياعىندا، 2017 - جىلدىڭ ءساۋىر ايىنا دەيىن قۇرىلىس نىساندارى سالىنىپ بىتەدى. ءبىر ۇلكەن مەردىگەر تۇرىك كومپانياسى جانە جانىندا قوسالقى مەردىگەرلەر جۇمىس ىستەپ جاتىر. اتاپ ايتقاندا، 2017 - جىلدىڭ ءساۋىر ايىنا دەيىن بۇل نىسان تولىق تاپسىرىلادى. وسى تۇرعىدا ۆوكزالدىڭ ۇلكەن تەرمينالى بار عيمارات جانە وعان كىرەتىن 2 شاقىرىمنان استام ەستاكادا قامتىلادى»، - دەدى ول.
ب. قارساقبايەۆتىڭ سوزىنە قاراعاندا، بۇگىندە قۇرىلىس جۇمىستارى قارقىندى ءجۇرىپ جاتىر.
بۇدان بۇرىن حابارلانعانداي، ۇزىندىعى 2550 مەتر ەستاكادا 87 تىرەككە بەكىتىلىپ، نىساندا قابىلداۋ- جونەلتۋ جولدارى سالىنادى.
قازىرگى استانا تەمىرجول ۆوكزالى تاۋلىگىنە 7000 جولاۋشىعا قىزمەت كورسەتسە، جاڭا ۆوكزالدىڭ جولاۋشىلاردى قابىلداۋ مۇمكىندىگى تاۋلىگىنە 35000 جولاۋشىنى قۇرايتىن بولادى. اتاپ ايتقاندا، استانانىڭ جاڭا تەمىرجول ۆوكزالى اۋماعىنىڭ دامۋ تۇجىرىمداماسى بەكىتىلگەن بولاتىن.
اۆتور: رۋسلان عابباسوۆ
