ەكسپو-2017 قارساڭىندا «استانا- الماتى- ءۇرىمجى» جۇردەك پويىز قاتىنايتىن بولادى
بۇل تۋرالى بۇگىن مەرەكەلىك شارادا «قازاقستان تەمىر جولى» ا ق پرەزيدەنتى اسقار مامين ءمالىم ەتتى.
«قازىرگى ۋاقىتتا قازاقستاننىڭ 7 ءىرى قالاسىن وتاندىق «تۇلپار تالگو» جۇردەك پويىزدارى بايلانىستىرىپ تۇر. 2012 -جىلعا دەيىن ءبىزدىڭ ەلدە «استانا- الماتى» جانە «الماتى- شىمكەنت» باعىتتارى بويىنشا ەكى جىلدام پويىز عانا بولدى. سوڭعى ءۇش جىلدا 9 جىلدام مارشرۋت ەنگىزىلدى. جولاۋشىلار ۆاگوندارىنىڭ تاپشىلىعى جويىلدى»، - دەپ اتاپ ءوتتى ا. مامين.
ونىڭ ايتۋىنشا، كەلەسى جىلى «تۇلپار تالگو» جاڭارتىلعان كەڭ ۆاگونداردىڭ جاڭا ءتۇرى شىعارىلا باستايدى.
«قازىر ولار قۇراستىرىلۋدا. بۇل ۆاگوندار «استانا- الماتى»، «الماتى- اقتوبە»، «الماتى- زاشيتا» باعىتىندا قاتىنايتىن بولادى. ەكسپو-2017 قارساڭىندا «استانا- الماتى- ءۇرىمجى» باعىتىندا جۇردەك پويىزى ەنگىزىلەدى. سونىمەن بىرگە «شالقار- بەينەۋ» تەمىرجولىنىڭ ەنگىزىلۋى ارقاسىندا «استانا- ورال»، «الماتى- ماڭعىشلاق» جاڭا باعىتى اشىلادى»، - دەيدى ول.
اۆتور: جاسۇلان جولدىبايەۆ
