ق ر ۇلتتىق مۋزەيىندە ەكسپو-2017 كورمەسى اياسىندا قىتايدىڭ «تەرراكوت اسكەرلەرى» اتتى بىرەگەي كورمەسى وتەدى - فوتو
مەموراندۋمعا قىتايدىڭ تاريحي بەسىگى سانالاتىن شانشي پروۆينسياسى شيان قالاسىنىڭ تاريحي قۇندىلىقتاردى قورعاۋ جونىندەگى زەرتتەۋ ينستيتۋتىندا قول قويىلدى.
«ءبىزدىڭ ەلدەر اراسىنداعى مادەني ىنتىماقتاستىق سالاسىنداعى بۇل كەلىسىم «ماڭگىلىك مۇرا» ۇلتتىق ستراتەگيالىق جوباسىن جانە الەمنىڭ دامىعان 30 ەلىنىڭ قاتارىنا كىرۋ جونىندەگى ۇلتتىق جوسپاردىڭ 100 قادامىن ىسكە اسىرۋدا ماڭىزدى كەزەڭ بولىپ تابىلادى»، - دەپ اتاپ ءوتتى مادەنيەت جانە ونەر ىستەرى دەپارتامەنتىنىڭ ديرەكتورى اقتوتى رايىمقۇلوۆا.
تاريح، مادەنيەت ەسكەرتكىشتەرىن ساقتاۋ، جاڭعىرتۋ جانە كونسەرۆاتسيالاۋ سالاسىندا، ءبىلىم سالاسىندا ىنتىماقتاستىق تۋرالى مەموراندۋمعا ق ر مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپارتامەنتى مەن ق ح ر مادەنيەت مينيسترلىگى شانشي تاريحي قۇندىلىقتارى دەپارتامەنتىنىڭ باسشىلارى قول قويدى.
ق ح ر مادەنيەت مينيسترلىگىنىڭ شاقىرۋى بويىنشا وتكەن قازاقستاننىڭ باس مادەني ۆەدومستۆوسى وكىلدەرى ساپارىنىڭ ماڭىزدى ناتيجەسى - استانادا وتەتىن ەكسپو حالىقارالىق كورمەسى اياسىندا 2017 -جىلى قازاقستان رەسپۋبليكاسىنىڭ ۇلتتىق مۋزەيىندە ايگىلى «تەرراكوت اسكەرلەرى» كورمەسىن ۇيىمداستىرۋ جانە وتكىزۋ ۋاعدالاستىعى بولدى.
ق ر مادەنيەت جانە سپورت مينيسترلىگىنىڭ مادەنيەت جانە ونەر ىستەرى دەپارتامەنتىنىڭ ديرەكتورى اقتوتى رايىمقۇلوۆا، ق ر ۇلتتىق مۋزەيى ديرەكتورىنىڭ ورىنباسارى جازيرا كۇلبايەۆا، رەستاۆراتسيا، ساقتاۋ جانە ارحەولوگيا سالاسىنىڭ وتاندىق جەتەكشى ماماندارى كىرگەن قازاقستاندىق دەلەگاتسيا رەسمي ساپار بارىسىندا قىتايدىڭ جەتەكشى مادەني نىساندارىندا، اتاپ ايتقاندا شين اۋلەتى ءبىرىنشى يمپەراتورىنىڭ مۋزەيىندە، شانشي تاريحي مۋزەيى، شانشي پروۆينتسياسىندا ارحەولوگيا ينستيتۋتىندا، شينجاڭ ۇيعىر اۆتونوميالىق ولكەلىك مۋزەيىندە بولدى، دەپ حابارلايدى ق ر م س م باسپا ءسوز قىزمەتى.
