بەلارۋس «ەكسپو-2017» كورمەسىنە قاتىسۋعا دايىندىق بويىنشا ۇلتتىق ۇيلەستىرۋشىسىن بەكىتتى
بۇل تۋرالى ق ر س ءى م باسپا ءسوز قىزمەتىنەن حابارلادى.
سۇحباتتاستار ەكىجاقتى ساۋدا-ەكونوميكالىق ىنتىماقتاستىقتى ودان ءارى دامىتۋ جانە ت م د مەن ە ا ە و شەڭبەرىڭدە ىقپالداستىقتى تەرەڭدەتۋدىڭ قازىرگى احۋالى مەن بولاشاعى تۋرالى پىكىر الماسىپ، سونداي-اق بەلارۋستە وتەتىن ەكى ەل ۇكىمەت باسشىلارىنىڭ قاتىسۋىمەن الداعى ءىس-شارالارىنا جانە قازاقستان-بەلورۋس ۇكىمەتارالىق ساۋدا-ەكونوميكالىق ىنتىماقتاستىق جونىندەگى كوميسسيانىڭ كەزەكتى 12- وتىرىسىن دايىندىق ماسەلەلەرىن تالقىلادى.
ە. بولەگەنوۆ سۇحباتتاسىن ەلىمىزدىڭ اعىمداعى وزەكتى ساياسي مەن الەۋمەتتىك-ەكونوميكالىق وقيعالارمەن، سونىڭ ىشىندە استانا ەكونوميكالىق فورۋمى، الەمدىك جانە ءداستۇرلى دىندەر كوشباسشىلارىنىڭ V سەزىنىڭ قورىتىندىلارىمەن تانىستىردى، سونداي-اق بيىل قازاقستان رەسپۋبليكاسىنىڭ كونستيتۋتسياسىنىڭ، قازاقستان حالقى اسسامبلەياسىنىڭ 20 جىلدىعى مەن قازاق حاندىعىنىڭ 550 جىلدىعى تويلاناتىنىن ايتىپ ءوتتى.
قازاقستان ەلشىسى قازىرگى زامانعى قازاقستاننىڭ كەڭ كولەمدى ترانسفورماتسياسىن جۇزەگە اسىرۋدى كوزدەيتىن «100 ناقتى قادام» ۇلت جوسپارىنا جانە «ەكسپو-2017» حالىقارالىق مامانداندىرىلعان كورمەگە دايىندىق بارىسىنا توقتالىپ، ءوزىنىڭ قاتىسۋىن العاشقىلاردىڭ ءبىرى بولىپ راستاعان بەلارۋس تاراپىنا العىسىن ءبىلدىردى.
بەلارۋس پرەمەر-ءمينيسترىنىڭ ءبىرىنشى ورىنباسارى قازاقستاننىڭ حالىقارالىق ارەناداعى جەتىستىكتەرىن جانە پرەزيدەنت نۇرسۇلتان نازاربايەۆتىڭ ەلىمىزدىڭ نىق قالىپتاسۋى مەن دامۋىنداعى ءرولىن، ە ا ە ق قۇرىلۋى مەن قىزمەتى جونىندەگى ونىڭ ستراتەگيالىق يدەياسىنىڭ جۇزەگە اسىرىلۋىنداعى ەرەڭ ەڭبەگىن اتاپ ءوتتى. ول، سونىمەن بىرگە، بەلارۋس تاراپىنىڭ «ەكسپو-2017» كورمەسىنە قاتىسۋعا دايىندىعى بويىنشا ۇلتتىق ۇيلەستىرۋشى رەتىندە سىرتقى ىستەر ءمينيسترىنىڭ ءبىرىنشى ورىنباسارى الەكساندر يۋريەۆيچ ميحنيەۆيچتى بەكىتۋ تۋرالى شەشىم قابىلدانعاندىعىن ايتتى.
