موڭعوليا ەكسپو-2017 كورمەسىنە قاتىساتىنىن راستادى - فوتو
بۇل تۋرالى ق ر پرەمەر- ءمينيسترىنىڭ ءبىرىنشى ورىنباسارى باقىتجان ساعىنتايەۆتىڭ ۇلان- باتىر قالاسىنا بارعان ساپارى اياسىندا ق ر سىرتقى ىستەر ءمينيسترىنىڭ ءبىرىنشى ورىنباسارى، ەكسپو-2017 كوميسسارى ءراپىل جوشىبايەۆتىڭ ءبىرقاتار موڭعول شەنەۋنىكتەرىمەن كەزدەسۋى بارىسىندا بەلگىلى بولدى.
«الداعى ەكسپو- دان كۇتەتىنىمىز كوپ. ءبىزدىڭ ونەركاسىپ مينيسترلىگىمىزدىڭ تاپسىرماسىنا سايكەس، موڭعوليانىڭ ەكسپو-2017 كورمەسىنە قاتىسۋ مىندەتى ساۋدا- ونەركاسىپ پالاتاسىنا (س ءو پ) جۇكتەلىپ وتىر. قازاقستان جاقسى جاعدايلار ۇسىنىپ وتىر»، - دەدى موڭعوليانىڭ ساۋدا- ونەركاسىپ پالاتاسىنىڭ باس حاتشىسى ەنەبيش ويۋۋنتەگش قازاقستاندىق ديپلوماتتارمەن كەزدەسۋىندە.
موڭعوليانىڭ ونەركاسىپ مينيسترلىگىنىڭ مەملەكەتتىك حاتشىسى داۆااگين نيامحۋۋ ر. جوشىبايەۆپەن اڭگىمەلەسۋ بارىسىندا ۇلان باتىر بالامالى ەنەرگەتيكانى دامىتۋ باعىتىندا جۇمىس جاساپ جاتقانىن ايتتى.
«وسىعان وراي «بولاشاق ەنەرگياسى» تاقىرىبىندا وتەتىن ەكسپو-2017 كورمەسىنە قاتىسۋ ءبىز ءۇشىن ماڭىزدى»، - دەدى ول. موڭعول شەنەۋنىگى قازاقستانعا ەكسپو كورمەسىن ءساتتى وتكىزۋگە تىلەكتەستىك ءبىلدىردى.
كەزدەسۋ بارىسىندا قازاقستاندىق دەلەگاتسيا ەكسپو- ورتالىقتىڭ فوتو جانە ۆيدەو تانىستىرىلىمىن وتكىزدى. سونىمەن قاتار، سەرىكتەستەرىنىڭ ءبىرقاتار سۇراعىنا جاۋاپ بەردى.
«ءبىر اپتا بۇرىن ەلباسى گونكونگ، سينگاپۋر جانە دۋبايداعىداي استانادا قارجى ورتالىعىن قۇرۋ تۋرالى جارلىققا قول قويعان بولاتىن. ول ەكسپو- ورتالىق بازاسىندا 2018 -جىلدىڭ 1 - قاڭتارىنان قۇرىلادى. دۋبايدا قارجى ورتالىعىنىڭ اۋماعى 110 گەكتاردى قۇراسا، استانادا ونىڭ اۋماعى 174 گ ا جەتپەك»، - دەدى ق ر سىرتقى ىستەر ءمينيسترىنىڭ ءبىرىنشى ورىنباسارى ر. جوشىبايەۆ.
ەسكە سالا كەتەيىك، بۇگىندە 26 ەل ەكسپو-2017 كورمەسىنە قاتىساتىنىن راستادى.
