الىپ استەرويد 2017-جىلى جەرمەن سوقتىعىسۋ قاۋپى بار
بۇل چەليابىلىك مەتەوريتپەن سالىستىرعاندا، الدە قايدا اۋقىمدى.
ТС4 عارىش نىسانى جەرگە 2017-جىلدىڭ 12- قازانىندا جاقىندايدى. استەرويدتىڭ ديامەترى - شامامەن 40 مەتر سالىستىرۋ ءۇشىن ايتا كەتسەك، چەليابىلىك مەتەوريتتىڭ ديامەترى 17 مەتر بولعان ەدى، ول قۇلاعان ساتتە 1,5 مىڭنان استام ادام مەن 7 مىڭنان استام عيمارات زارداپ شەكتى. ال TC4- ءتىڭ اكەلەتىن زاردابى ودان دا كوپ بولۋى مۇمكىن.
قازىر ماماندار عارىش دەنەسىنىڭ جەرمەن قاقتىعىسۋىنىڭ قانشالىقتى مۇمكىن ەكەنىن ناقتىلاۋ ءۇشىن ونىڭ وربيتاسىن انىقتاۋعا تىرىسىپ جاتىر. الايدا ەۋروپالىق عارىش اگەنتتىگىنىڭ استرونومدارى مۇنداي جاعدايدىڭ ميلليونعا شاققاندا نەبارى ءبىر عانا ىقتيمالدىقتى قۇرايتىنىن ايتىپ، سابىرعا شاقىرۋدا. بۇل پىكىردى ناسا دا ءبولىسىپ وتىر.
ايتا كەتەيىك، بۇگىندە استرونومدار جەرگە قاۋىپ ءتوندىرۋى مۇمكىن 1,5 مىڭنان استام استەرويدتى انىقتادى. 2013-جىلى 15- اقپاندا چەليابىدە مەتەوريت قۇلاعاننان كەيىن ءبىرقاتار ەلدەردە عارىشتىڭ وسىنداي الاپاتتارىنان قورعانۋ قاجەتتىگى ماسەلەسى قوزعالعان ەدى.
