تۇركيا باسشىسى تايىپ ەردوعان «ەكسپو-2017» دۇنيەجۇزىلىك كورمەسىن وتكىزۋگە قولداۋ بىلدىرەتىنىن ايتتى
قازاقستان سىرتقى ساياسي مەكەمەسىنىڭ باسشىسى تۇركيا پرەزيدەنتى رەجەپ تايىپ ەردوعاننىڭ قابىلداۋىندا بولىپ، سىرتقى ىستەر ءمينيسترى ميەۆليۋت چاۆۋشوگلۋمەن كەزدەسىپ، قازاقستان رەسپۋبليكاسى مەن تۇركيا رەسپۋبليكاسى اراسىنداعى بىرىككەن ستراتەگيالىق جوسپارلاۋ توبىنىڭ ەكىنشى وتىرىسىنا قاتىستى.
مينيستر ەرلان ىدىرىسوۆتىڭ پرەزيدەنت ر. ەردوعانمەن كەزدەسۋى بارىسىندا تۇركيا باسشىسىنىڭ قازاقستان رەسپۋبليكاسى مەن تۇركيا رەسپۋبليكاسى اراسىنداعى ستراتەگيالىق ىنتىماقتاستىق كەڭەسىنىڭ ەكىنشى وتىرىسىنا قاتىسۋى ءۇشىن الداعى قازاقستانعا ساپارى تالقىلاندى.
ەكى ەل سىرتقى ىستەر مينيسترلەرىنىڭ كەزدەسۋى بارىسىندا كەڭ اۋقىمدى ماسەلەلەر بويىنشا ەكىجاقتى جانە كوپجاقتى ىنتىماقتاستىقتىڭ احۋالى مەن بولاشاعى قاراستىرىلدى.
كەلىسسوزدەر قاتىسۋشىلارى قازاقستان مەن تۇركيا اراسىنداعى ىنتىماقتاستىق دامۋ ەكپىنىنە قاناعات ءبىلدىرىپ، ەكىجاقتى جانە كوپجاقتى فورماتتاعى سەرىكتەستىكتى ودان ءارى نىعايتۋعا ەكى جاقتىڭ بىردەي ىقىلاسىن اتاپ ءوتتى. استانا مەن انكارانىڭ وڭىرلىك جانە جاھاندى ساياساتتاعى رولدەرىنىڭ ءوسۋى جانە مۇسىلمان، تۇركى الەمىندە بەدەلدەرىنىڭ ارتۋى اتاپ ءوتىلدى.
سۇحبات بارىسىندا استانادا وتەتىن «ەكسپو-2017» دۇنيەجۇزىلىك كورمەسىنە دايىندىق تالقىلاندى. تۇرىك تاراپى بۇل حالىقارالىق ءىس- شارانى وتكىزۋگە بارىنشا قولدايتىنىن ءبىلدىردى.
قازاقستان مەن تۇركيا س ءى م باسشىلارى ءوزارا ديالوگتى جالعاستىرىپ، ەكىجاقتى قاتىناستاردىڭ بارشا ماسەلەلەرىن باۋىرلاستىق پەن ستراتەگيالىق سەرىكتەستىك قاعيدالارىنىڭ نەگىزىندە شەشۋ نيەتتەرىن ءبىلدىردى.
س ج ب ت ەكىنشى وتىرىسىنىڭ بارىسىندا تاراپتار ەكى ەل اراسىنداعى قارىم- قاتىناستار كۇن ءتارتىبىنىڭ وزەكتى ماسەلەلەرى بويىنشا ءوزارا پىكىر الماستى. اتاپ ايتقاندا، تاراپتار ساياسي، ساۋدا- ەكونوميكالىق، ينۆەستيتسيالىق، اسكەري- تەحنيكالىق جانە مادەني- گۋمانيتارلىق ىنتىماقتاستىقتى، قاۋىپسىزدىك سالاسىنداعى ىقپالداستىقتى دامىتۋ ماسەلەلەرىن تالقىلادى. سونىمەن قاتار، حالىقارالىق ساياساتتىڭ وزەكتى ماسەلەلەرى بويىنشا ۇستانىمدار ءوزارا سالىستىرىلدى.
س ج ب ت وتىرىسى ءوزارا ءتيىمدى بايلانىستاردى ودان ءارى دامىتۋ مەن تەرەڭدەتۋدىڭ الەۋەتىن كورسەتتى.
ە. ىدىرىسوۆتىڭ، سونىمەن قاتار، تۇركيا ادىلەت ءمينيسترى ب. بوزداگپەن كەزدەسۋى ءوتتى. ونىڭ بارىسىندا قۇقىق سالاسىنداعى ەكىجاقتى ىنتىماقتاستىقتىڭ ماسەلەلەرى تالقىلاندى.
