قازاقستان وزبەكستانعا ەكسپو-2017 كورمەسىندە ۇزدىك پاۆيلون ۇسىنۋعا دايىن - مەملەكەت باسشىسى
«وسى مۇمىنشىلىكتى پايدالانا وتىرىپ، قازاقستاننىڭ «ەكسپو-2017» حالىقارالىق كورمەسىن وتكىزۋ باستاماسىن قولداعاندارىڭىز ءۇشىن العىسىمدى بىلدىرەمىن. ءبىز كەشەن قۇرىلىسىن سالۋعا كىرىستىك. لايىقتى وتكىزۋگە قاجەتتى قارجىنى بولۋدەمىز»، - دەدى ەلباسى.
ق ر پرەزيدەنتى سونىمەن قاتار وسى كورمەنى وتكىزۋگە وزبەكستان تارابىنىڭ دا قاتىساتىندىعىنا ءارى ءوز پاۆيلونىن اشاتىندىعىنا سەنىم ارتاتىندىعىن باسا ايتتى.
«ءبىز ءوزىمىزدىڭ وزبەك دوستارىمىزعا ۇزدىك پاۆيلون ۇسىنۋعا دايىنبىز»، - دەدى مەملەكەت باسشىسى.
ەلباسى ءوز سوزىندە وزبەكستان پرەزيدەنتىنىڭ بۇگىنگى ساپارى الەمدە ورىن الىپ وتىرعان قيىن كەزەڭدە ءوتىپ جاتقاندىعىن دا ەسكە سالىپ ءوتتى. «ءبىزدىڭ توڭىرەگىمىزدەگى قاقتىعىستار، ۋكرايناداعى جانجالدار جانە يسلام الەمىندە ورىن الىپ جاتقان جايتتار ءبىزدى الاڭداتادى»، - دەپ قوستى ق ر پرەزيدەنتى.
اۆتور: مارلان جيەمباي
