ت. ەرمەگيايەۆ: «ەكسپو-2017» كورمە كەشەنىندە بارلىق جاعىنان قامتىلعان اۋدان تۇرعىزىلادى
باسقارما باسشىسىنىڭ ايتۋىنشا، تاجىريبە كورسەتكەنىندەي ەكسپو-نىڭ قانشالىقتى تابىستى وتكەنىنە قاراماستان، ونداعى باستى ماسەلە - كورمەدەن كەيىنگى نىسانداردى پايدالانۋ بولىپ تابىلادى. وسىعان وراي، ۇلتتىق كومپانيا ساراگوسا، گاننوۆەر، يوسۋ، شانحاي سەكىلدى ەكسپو كورمەلەرىن وتكىزگەن قالالاردىڭ تاجىريبەسىن زەرتتەگەن.
«زەرتتەۋ كورسەتكەنىندەي، كورمە وتكەننەن كەيىن عيماراتتار نەگىزىنەن تۋريستىك نىسان، مادەني الماسۋ ورتالىقتارى، عىلىمي- زەرتتەۋ بازالارى، كەڭسە-ىسكەرلىك ورتالىقتار، جايلىلىعى جوعارى تۇرعىن ءۇي كەشەندەرى، دەمالىس جانە ويىن-ساۋىق وبەكتىلەرى رەتىندە پايدالانىلاتىنى بەلگىلى بولىپ وتىر.
سونىمەن قاتار، كوپ جاعدايلاردا كورمە نىساندارىنا دەگەن سۇرانىس تومەن بولعانىن دا اتاپ وتكىم كەلەدى. ماسەلەن، گاننوۆەردە، ساراگوسادا يوسۋدا كورمە ءۇشىن سالىنعان عيماراتتار كەيىننەن قاڭىراپ قالسا، كەيبىرىندە بىرنەشە عيماراتتاردى پايدالانۋ ءۇشىن قالدىرىلىپ، قالعانى تۇگەلدەي ءسۇرىلىپ تاستاعان»، - دەي د ءى ت. ەرمەگيايەۆ.
وسىعان وراي، كومپانيا باسشىسى ەكسپو وتكىزگەن ەلدەر تاجىريبەسىنە سۇيەنە وتىرىپ، كورمە وتكەننەن كەيىن عيماراتتاردى ءتيىمدى پايدالانۋعا نازار اۋدارىلاتىنىن اتاپ ءوتتى. «بۇل ماسەلەنى كورمە قۇرىلىسى بارىسىندا قالىپتاستىرۋ كەرەك. سوندىقتان دا، ءبىز كورمەنى سالعاندا ءوزىن-ءوزى تولىق قامتىعان اۋدان تۇرعىزۋدى جوسپارلايمىز. وندا اشىق الاڭقايلار مەن تۇرعىن ءۇي كەشەندەرى، ساۋدا ورتالىقتارى مەن بيزنەس-وبەكتىلەرى بار عىلىمي-تەحنولوگيالىق، مادەني نىساندار قالىپتاساتىن بولادى. سوندىقتان دا، قازىردىڭ وزىندە پاۆيلونداردى جوسپارلاۋ ساتىسىندا كورمە اياقتالعاننان سوڭ وبەكتىلەردى ءتيىمدى پايدالانۋ ءۇشىن قاباتتار اراسىنداعى مونتاجداۋ جۇمىستارىنىڭ مۇمكىندىكتەرى ەسكەرىلىپ جاتىر»، - دەدى ت. ەرمەگيايەۆ. ونىڭ سوزىنە قاراعاندا، جوبالاۋ بارىسىندا كەيىننەن قايتا جاساقتالاتىن سانتەحنيكالىق توراپتار، باسپالداق-ساتىلار، عيماراتتاردى اراسىنان ءبولۋ مۇمكىندىكتەرى قامتىلادى.
«بۇدان بولەك، مەملەكەتتىك ورگانداردىڭ كورمەدەن كەيىنگى الاڭدارعا سۇرانىستارى بويىنشا ۇسىنىستار دا قارالادى. تۇتاستاي العاندا، ءبىز كورمەگە سالىنعان نىسانداردىڭ ءاربىر شارشىسىن ءتيىمدى پايدالانۋ ماسەلەسىن ەرتە باستان ويلاناتىن بولامىز»، - دەدى ت. ەرمەگيايەۆ.
اۆتور: قانات مامەتقازى ۇلى
