10:01, 29 - شىلدە 2014 | GMT +5
قورقىت اتا مەموريالدىق كەشەنى ەكسپو-2017 كورمەسىنە بيىلعى قىركۇيەكتە دايىن بولماق
قىزىلوردا. قازاقپارات - قازىرگى تاڭدا قورقىت اتا مەموريالدىق كەشەنىندە قايتا جاڭعىرتۋ ماقساتىنداعى قۇرىلىس قىزۋ ءجۇرىپ جاتىر.
اسا دالدىكتى قاجەت ەتەتىن ىسپەن «س م پ- قىزىلوردا» ج ش س اينالىسۋدا. جاڭا مەموريالدىڭ بۇرىنعىدان وزگەشەلىگى 2,5 مەتر بيىكتىكتە ورنالاسادى. ستەلاسى 12 مەترگە ۇزارتىلادى. دەمەك، كەشەن بۇرىنعىدان مۇلدە وزگەشە بولىپ، قوناقتاردىڭ كوزىنە تىم الىستان مەنمۇندالايدى.
ال قۇرىلىسقا سوڭعى ۇلگىدەگى ماتەريالدار قولدانىلۋدا. قايتا جاڭعىرتۋ جۇمىستارىنا 960 ميلليون تەڭگە قارجى جۇمسالادى. بۇل جۇمىستار قىركۇيەك ايىنىڭ ورتاسىنا دەيىن اياقتالادى. بۇل دەگەنىڭىز، ەكسپو-2017 حالىقارالىق كورمەسى قوناقتارى كەلەتىن نەگىزىگى نىساننىڭ ءبىرى بيىلعى جىلدىڭ وزىندە-اق مەيمانداردى قابىلداۋعا ءازىر بولادى دەگەن ءسوز.
اۆتور: ەلۋباي اۋەزوۆ
