ازيادا-2017: بياتلونشىلارىمىز 8- التىنمەن قوسا، ءبىر كۇمىس، ءبىر قولا مەدال جەڭىپ الدى

ساپپورو. قازاقپارات - بۇگىن جاپونيانىڭ ساپپورو قالاسىندا ءوتىپ جاتقان Ⅷ قىسقى ازيا ويىندارىنىڭ سوڭعى كۇنى بياتلونشىلارىمىز ءبىر التىن، ءبىر كۇمىس، ءبىر قولا مەدال جەڭىپ الدى، دەپ حابارلايدى ساپپوروداعى قازاقپارات ءتىلشىسى.

بياتلونشى قىزدارىمىز 12,5 شاقىرىمدىق ماسس- ستارت جارىسىندا باستى ءۇش جۇلدەگە يە بولدى. التىندى گالينا ۆيشنەۆسكايا جەڭىپ السا، كۇمىس پەن قولا قازاقستاندىق الينا رايكوۆا مەن داريا ۋسانوۆاعا قانجىعالارىنا بايلادى.

ايتا كەتۋ كەرەك، بۇل - ۆيشنەۆسكايانىڭ وسى ازياداداعى ءتورتىنشى «التىنى». وسىعان دەيىن ول سپرينتتە، ءىز قۋالاۋ مەن ارالاس ەستافەتادا ءبىرىنشى ورىن العان بولاتىن.

جەڭىمپاز جۇلدەگەرلەرىمىزدىڭ كورسەتكىشتەرى: 1. گالينا ۆيشنەۆسكايا (قازاقستان) - 39:26.6 (0+1+0+0) 2. الينا رايكوۆا (قازاقستان) - +44.4 (0+0+1+0) 3. داريا ۋسانوۆا (قازاقستان) - +1:33.1 (0+1+1+3) 9. اننا كيستانوۆا (قازاقستان) - +4:26.0 (2+1+3+0).

اۆتور: كۇنسۇلتان وتارباي