ەكسپو-2017 كورمەسىنە 82 مەملەكەت پەن 14 حالىقارالىق ۇيىم قاتىساتىندىعىن راستادى
بۇل تۋرالى «استانا ەكسپو-2017» ۇلتتىق كومپانياسى تاراتقان اقپاراتتا ايتىلعان.
«قازىرگى ۋاقىتتا ەكسپو-2017 كورمەسىنە 82 مەملەكەت پەن 14 حالىقارالىق ۇيىم قاتىساتىندىعىن راستادى. 2015-جىلعى تامىزدان باستاپ نىسانداردىڭ فۋنكتسيونالىن جوعالتپاي قۇرىلىستى ارزانداتۋ بوىنشا جۇمىستار جۇرگىزىلدى. شىعىنداردى وڭتايلاندىرۋ 131,6 ميلليارد تەڭگەنى قۇرادى. وتاندىق تاۋار وندىرۋشىلەرمەن تاۋارلار مەن قىزمەتتەردى جەتكىزۋگە 33,7 ميلليارد تەڭگە سوماسىنا شارتتار جاسالدى»، دەلىنگەن حابارلامادا.
سونىمەن قاتار تاراتىلعان اقپاراتتا وتكەن جىلدىڭ تامىزىنان باستاپ «استانا ەكسپو-2017» ۇلتتىق كومپانياسىنىڭ توپ-مەنەدجەرلەرى ەكى ەسە قىسقارتىلىپ، قۇرىلىمى وڭتايلاندىرىلعانى اتاپ وتىلگەن.
ايتا كەتەيىك، «ەكسپو-2017» حالىقارالىق مامانداندىرىلعان كورمەسى 2017-جىلدىڭ 10- ماۋسىمىندا باستالىپ، 10 قىركۇيەگىندە اياقتالادى. حالىقارالىق شاراعا ءجۇز مەملەكەت قاتىسادى دەپ كۇتىلۋدە. ال كورمەنى تاماشالايتىن تۋريستەردىڭ سانى بەس ميلليونعا جەتەتىندىگى بولجانعان. تۋريستەردىڭ باسىم بولىگى ت م د ەلدەرىنەن، قىتايدان، ەۋروپادان، وڭتۇستىك-شىعىس ازيادان جانە تۇركيادان كەلۋى مۇمكىن. كورمەنىڭ نەگىزگى تاقىرىبى - «بولاشاق ەنەرگياسى».
«ەكسپو-2017» كورمە كەشەنىنىڭ جالپى اۋدانى 174 گەكتاردى قۇرايدى. وندا قازاقستاننىڭ ۇلتتىق پاۆيلونى، حالىقارالىق تاقىرىپتىق جانە كورپوراتيۆتىك پاۆيلوندار، ساۋدا ويىن-ساۋىق نىساندارى ورنالاستىرىلادى.
اۆتور: مارلان جيەمباي
