ۋنيۆەرسيادا-2017: 5- التىندى قازاقستان موگۋلشىلارى ۇتتى

استانا. قازاقپارات - الماتىدا ءوتىپ جاتقان ۋنيۆەرسيدا ويىندارىندا قازاقستان فريستايلشىلارى موگۋل جارىسىنان التىن جانە قولا مەدال جەڭىپ الدى، دەپ حابارلايدى قازاقپارات.

جارىس ناتيجەسىندە 79,94 ۇپاي جيناعان قازاقستاندىق دميتري رەيحەرد باس جۇلدەگە يە بولدى. ال كۇمىس مەدال 79,11 ۇپاي جيناعان رەسەيلىك سەرگەي شيمبۋيەۆقا، قولا مەدال وتانداسىمىز پاۆەل كولماكوۆقا بۇيىردى.

بۇعان دەيىن يۋليا گالىشەۆا موگۋل سايىسىنان ەل قورجىنىنا ۋنيۆەرسيادانىڭ ءتورتىنشى التىنىن سالدى. ال بياتلون بويىنشا سپرينتتىك جارىستا قازاقستاندىق سپورتشى گالينا ۆيشنيەۆسكايا ءۇشىنشى كەزەكتەگى التىنعا يە بولدى. جارىستىڭ العاشقى كۇنى بياتلونشى الينا رايكوۆا 15 شاقىرىمدىق جەكەلەي سايىستا قازاقستانعا ءبىرىنشى التىندى اپەردى. ەكىنشى التىندى سول كۇنى قازاقستاندىق فريستايلشى دۋەت جانبوتا الدابەرگەنوۆ پەن باعلان ىڭكاربەك ارالاس كوماندالىق اكروباتيكا سايىسىندا العان بولاتىن.

اۆتور: مارلان جيەمباي